Home to office, pajamas to suits. How to always look stylish at work. (OR) Suits yourself as you have a personal stylist.
2020 ရဲ့ ပထမ နှစ်ဝက်ကို အိမ်ထဲမှာပဲ ဖြတ်သန်းလာကြပေမယ့် အများစုဟာ လတ်တလောမှာတော့ အိမ်ကနေ အလုပ်လုပ်ခြင်းကို စွန့်ခွာပြီး ရုံးတွေကို ပြန်လည် ရောက်ရှိလာကြပါပြီ။ သက်တောင့်သက်သာရှိတဲ့ ဝတ်စုံတွေ၊ အိမ်နေရင်း၊ ညအိပ်ဝတ်စုံတွေ အစား office wear တွေကို ပြန်လည် ဝတ်ဆင်ရတော့မယ့် အချိန်ကို ရောက်လာပါပြီ။
ဝန်ထမ်းတွေတစ်ယောက်ချင်းစီရဲ့ ဝတ်စားဆင်ယင်မှုက အဖွဲ့အစည်းတစ်ခုလုံးကို ကိုယ်စားပြုပြီးတော့ မိမိတို့ ရုံးတွင်းသာမက ပြင်ပ လုပ်ငန်းတွေကိုပါ အကျိုးသက်ရောက်မှု ရှိနေပါတယ်။ သင့်ရဲ့ ပုံမှန် ရုံးသွားတဲ့ ဝတ်စုံတွေဟာ မကြာခဏ ဝတ်ရတာ ဖြစ်တဲ့ အတွက် ဖော်ပြထားတဲ့ အချက်တွေ အပြင် အရေးအကြီးဆုံးကတော့ အလုပ်လုပ်တဲ့ အခါ သက်တောင့်သက်သာရှိရပါမယ်။ business casual ဆိုတဲ့ စကားလုံးက ဝန်ထမ်း အများစုနဲ့ မရင်းနှီးတဲ့ စကားလုံးပါ။
သာမာန် business casual တွေကတော့ ချည်သား ဘောင်းဘီနဲ့ စကဒ်၊ ရှပ်အကျီ အဖြူရောင်၊ ခေါင်းစွပ်ဆွယ်တာတွေနဲ့ ရင်စေ့ဆွယ်တာ အကျီတွေပဲ ဖြစ်ပါတယ်။ coporate company အကြီးစားတွေမှာသာ အနောက်တိုင်း ဝတ်စုံ အပြည့်အစုံ ဝတ်ဆင်ကြလေ့ ရှိပါတယ်။
စိတ်သစ် လူသစ်နဲ့ အလုပ်ခွင်ကို ပြန်လည်ဝင်ရောက်တော့မယ့်သူတွေ သင့်တို့ရဲ့ အဝတ်ဗီဒိုကို ဖွင့်ကြည့်လိုက်ပါ။ neutral color တွေဖြစ်တဲ့ အဖြူ၊ အမည်း၊ အညို၊ အသားရောင်တွေကြားထဲ နက်ပြာရောင်အဝတ်အချို့ကို တွေ့ရမှာပါ။ လူတိုင်းရဲ့ အဝတ်စားတွေကြားမှာ အဖြူရောင် ရှပ်အကျီတစ်ထည် သို့မဟုတ် တစ်ထည်မက ရှိနေပါလိမ့်မယ်။ အဆင်တွေထက် ပြောင် အဝတ်အစားတွေသာ အများစု ဖြစ်နေပါလိမ့်မယ်။ စကဒ်နဲ့ ဂါဝန်တွေဆိုရင် ဒူးအောက်နားတွေ ဖြစ်ပြီး အများစုက ဘောင်းဘီတွေသာ ဖြစ်နေပါလိမ့်မယ်။ အရေးကြီး အစည်းအဝေးများကို လိုအပ်တဲ့ အချိန်မှာ တတ်ရောက်နိုင်ဖို့ အနောက်တိုင်း ဝတ်စုံ အပြည့်အစုံလဲ မကြာခဏ ဝတ်ဆင်တတ်ပါလိမ့်မယ်။ ဒါပေမယ့် အရေးအကြီးဆုံး အချက်က သင့်ရဲ့ အဝတ်ဗီဒိုဟာ သင့်ရဲ့ ဖက်ရှင်သာမက အကျင့်စရိုက်ကိုပါ ထင်ဟပ်နေပါတယ်။
တစ်ပတ် ၅ရက် သို့မဟုတ် ၆ ရက်နှင့် သင်သာ လုပ်ငန်း တစ်ခုရဲ့ ခေါင်းဆောင်ပိုင်း တစ်နေရာကဆိုရင် ၂၄ နာရီ အလုပ်လုပ်နေရနိုင်ပါတယ်။ ဒါဆိုရင် သင့်ရဲ့ ၂၄နာရီ ကို ထပ်တလဲလဲ ဖြစ်နေတဲ့ ပျင်းစရာကောင်းတဲ့ အဝတ်တွေနဲ့ပဲ အချိန်ကုန်သွားတာက ကောင်းတဲ့ အကြံတစ်ခုတော့ မဟုတ်ဘူးနော်။ မြန်မာနိုင်ငံမှာဆိုရင်လဲ မိုးရာသီက ဝင်ရောက်လာတဲ့ အခါ အလုပ်ကို စတိုင်မပျက် အိမ်က ထွက်တဲ့ အတိုင်း ရောက်သွားဖို့ဆိုတာ ခက်ပါတယ်။ မိုးရေတွေကြားထဲတောင် အလှမပျက်ပဲ ရုံးသွားလို့ရမဲ့ စတိုင်လေးတွေကို ဖော်ပြပေးလိုက်ပါတယ်။
1.White Shirt – The Basic Business Wear
Not your particular white shirt
Formal အဖြူရောင် ရှပ်အကျီ အစား အနည်းငယ် ဆန်းသစ်ထားတဲ့ ဒီဇိုင်းတွေကို အသုံးပြုပေးပါ။ လက်အဖောင်း၊ အစည်း၊ဒါမှ မဟုတ် ကော်လံကို ပုံမှန်ထက် ကြီးတဲ့ ဒီဇိုင်းတွေက သင့်ကို အလုပ်ထဲ professional ကျစေရုံသာမက သူများနဲ့ မတူတဲ့ ဝတ်စုံတွေကို ရစေမှာပါ။ ဒါ့အပြင် အဖြူရောင် ရှပ်အကျီတွေက ရေစိုပြီးရင်လဲ အခြောက်မြန်လို့ မိုးရာသီအတွက် သင့်လျော်တဲ့ item တစ်ခု ဖြစ်တယ်နော်။
Add a scarf to color your style
အရောင်အသွေး စုံလင်တဲ့ ပုဝါတွေကို လည်စီးအဖြစ် အသုံးပြုပေးပါ။ သင့်ရဲ့ အဖြူရောင် ရှပ်အကျီကို အများနဲ့ မတူစေရုံသာမက မိုးစိုလာတဲ့ သင့် ဆံပင်တွေကို ခြောက်သွေ့အောင် သုတ်နိုင်ပြီး ခြုံထည် အဖြစ်လဲ အသုံးပြုနိုင်တာမို့လို့ မိုးရာသီ အတွက် အသင့်တော်ဆုံးပါပဲ။
The Trench
Trench coat လို့ ပြောလိုက်တာနဲ့ smart ကျတဲ့ လိုင်းတွေ၊ ခါးပတ်ကြိုးနဲ့ ရေစိုခံတဲ့ ချည် အထူသားတွေကို အသုံးပြုထားတဲ့ ကုတ် တစ်ထည်ဆိုတာ အားလုံး သိကြမှာပါ။ အဖြူရောင် ရှပ်အကျီ အပေါ်မှာ ဝတ်ဆင်လိုက်ရင် သင့်ရဲ့ ဖက်ရှင်ကို ပြည့်စုံသွားစေရုံသာမက မိုးရေမစိုအောင်လဲ ကာကွယ်ပေးနိုင်လို့ အနွေးထည် သပ်သပ် ယူစရာ မလိုပဲ တစ်ထည်ထဲနဲ့ ပြည့်စုံစေပါတယ်။
2. The Finishing Touch – Accessories
သင့်ရဲ့ နေ့စဥ် ဝတ်စုံတွေထဲ accessories တွေ ပေါင်းထည့်ပေးပါ။
အနက်ရောက် လည်သာ အိတ်တစ်လုံးက သင့်ရဲ့ အရောင်မှိုင်းမှိုင်း ဝတ်စုံတွေကို ပိုပြီး ပေါ်လွင်စေမှာပါ။ Business casual ဝတ်စုံ တစ်စုံရဲ့ အပြီးသတ်ဟာ နာရီပဲ ဖြစ်ပါတယ်။ smart phone တွေ ပေါ်လာပြီး နောက်ပိုင်း နာရီတွေဟာ အချိန်ကြည့်ဖို့ထက် အဆင်တဆာ အနေနဲ့ ပိုပြီး လူသုံးများလာတဲ့ အခါ နာရီရဲ့ ဒီဇိုင်းက ပိုပြီးတော့ အရေးပါလာပါတော့တယ်။ နာရီကိုတော့ ဒီဇိုင်းကို တည်တည်ငြိမ်ငြိမ်နဲ့ neutral color တွေထက် အရောင်ပါတာတွေ ရွေးပေးပါ။
အလည်အလတ် အမြင့်ရှိ ရှူးဖိနပ်များကို ရွေးချယ်ပေးပါ။
သွားလာလှုပ်ရှားရ မခက်ခဲသလို အသင့်အတင့်ရှိတဲ့ ဒေါက်က သင့်ကို smart ကျ နေစေပါလိမ့်မယ်။ လည်သာက ရေစိုခံနိုင်ပြီးတော့ အသင့်အတင့်ရှိတဲ့ ဒေါက်တွေက သင့်ခြေထောက်ကို ရေစိုခြင်းက ကာကွယ်ပေးပါလိမ့်မယ်။
3. ဆွယ်တာအကျီတွေနဲ့ အလှဆင်လိုက်ပါ။
အရောင်စုံ ဆွယ်တာတွေကို ဝတ်ဆင်လိုက်ပါ။ တကယ်လို့ အရောင်စုံ ဆွယ်တာတွေက သင်နဲ့ မလိုက်ဖက်ဘူးထင်ရင် အရောင်ငြိမ်တဲ့ ဆွယ်တာတွေကို ဖဲပြား၊ ပုလဲ အစရှိသဖြင့် အလှဆင်ထားတဲ့ ဆွယ်တာတွေကို ဝတ်ဆင်ကြည့်ပါ။ အလှဆင်ထားတဲ့ ဆွယ်တာတွေက သင့်ရဲ့ ဖက်ရှင်ကို ပျင်းစရာမကောင်းတဲ့ အပြင် မိုးတွင်းမှာ နွေးနွေးထွေးထွေးလဲ ခံစားစေနိုင်မှာ သေချာပါတယ်။
4. Khaki pants never goes wrong
ကာကီရောင် ဘောင်းဘီတွေကတော့ ဘယ်တော့မှ မမှားတဲ့ ရွေးချယ်မှုပါပဲ။ အဖြူရောင် ရှပ်အကျီနဲ့လဲ လိုက်ဖက်ညီသလို ၊ အမျိုးသမီးဝတ် blouse အမျိုးမျိုးနဲ့လဲ တွဲဖက် ဝတ်ဆင်နိုင်ပြီး Trench Coat နဲ့လဲ လိုက်ဖက်ညီတဲ့ အတွဲအစပ်ပါပဲ။
5. Not your typical long pants
မိုးရာသီထဲ ဝင်ရောက်လာတာနဲ့ အမျှ ပုံမှန်ဝတ်နေကျ style pants တွေ၊ ချည်သား ဘောင်းဘီ ရှည်တွေကို ဝတ်ဆင်ဖို့ မသင့်တော့ ပါဘူး။ သင့်ရဲ့ ဘောင်းဘီ အောက်ပိုင်းနှင့် အတူ မိုးရေသာမက အမှိုက်တွေ အညစ်အကြေးတွေပါ ပါလာနိုင်တဲ့ အပြင်၊ သင့်ရဲ့ ခြေထောက်တွေကိုပါ အချိန်ကြာကြာ ရေစိုနေစေတာမို့လို့ ဒူးအောက် ခြေမျက်စိ အထက် ဘောင်းဘီတွေကို ရွေးချယ်မယ်ဆိုရင် မိုးရာသီ အလုပ်သွားဖို့ အသင့်တော်ဆုံး ဖြစ်နေမှာပါ။
6. မိုးရာသီနဲ့ အသင့်တော်ဆုံး ဘောင်းဘီ
မိုးရာသီမှာ ဝတ်ဆင်လို့ အသင့်တော်ဆုံးကတော့ မိုးကာသား ဘောင်းဘီတွေပဲ ဖြစ်ပါတယ်။ အခုခေတ်မှာတော့ မိုးကာသားကို အဆင့်မြင့်မြင့် ချုပ်လုပ်ထားတဲ့ ဘောင်းဘီတွေကို အလွယ်တကူ ဝယ်ယူနိုင်ပြီးတော့ ဒီဇိုင်းတွေလဲ စုံလင်တဲ့ အတွက် အလုပ်နဲ့ လိုက်ဖက်အောင် ဝတ်ဆင်နိုင်ပါတယ်။
မြန်မာနိုင်ငံရဲ့ မိုးရာသီဟာ ၃လ မက ကြာမြင့်ပြီးတော့ အချိန်ပြည့်နီးပါး မိုးရွာနေပါတယ်။ မိုးအေးအေးမှာ တုတ်ကွေးမိပြီး ဆေးခန်းမသွားရဖို့ နွေးနွေးထွေးထွေးလဲ ဖြစ်ရမယ်၊ မိုးစိုတာကို ရှောင်နိုင်ပြီး အလွယ်တကူ ပြန်ခြောက်တာလဲ ဖြစ်ရမယ်၊ အရေးအကြီးဆုံး အချက်ကတော့ လုပ်ငန်းခွင်နဲ့ သင့်တော်ပြီး စတိုင်ကျ လှပနေစေရမဲ့ စတိုင်တွေကို ဖော်ပြပေးထားပါတယ်။
ဖော်ပြထားတဲ့ ဖက်ရှင်စတိုင်တွေကို ဝတ်ဆင်ကြည့်မယ်ဆိုရင် သင့်ရဲ့ အလုပ်မှာ လုပ်ဖော်ကိုင်ဖက်တွေ သဘောအကျဆုံး သူမဖြစ်နိုင်ရင်တောင် ကြည့်အကောင်းဆုံးသူတော့ ဖြစ်နိုင်ပါတယ်။
Editor: Jeune
