ယ​နေ့​ခေတ်နဲ့ စစ်မှန်တဲ့အလှအပရဲ့ စံနှုန်း

အချိန်​တွေ ​ပြောင်းလဲ၊ ​ခေတ်​တွေ ​ပြောင်းလဲ​လာ​ပေမယ့် လူ​တွေရဲ့ အလှအပ မြတ်နိုးမှုနဲ့ တန်ဖိုးထားမှု​တွေက ဆက်လက် တည်ရှိ​နေပါတယ်။ အသက်အရွယ်၊ လူမျိုးစု၊ ​ယောက်ျား၊ မိန်းမ ဖြစ်ခြင်းနဲ့ မသက်ဆိုင်ပဲ အများစုမှာ ​​တွေ့ရတတ်တာက​တော့ ငယ်ရွယ် နုပျိုချင်မှုပါပဲ။ အသားဖြူမှ၊ အရပ်ရှည်မှ၊ ခန္ဓာကိုယ် အချိုးအစား ​ပြေပြစ်မှ အသား​အ​ရေ လှမှ အစက်အပြောက်မရှိမှ လှတယ်ဆိုတဲ့ ခွဲခြားမှု​တွေက လူ့အဖွဲ့အစည်းကို အဆိပ်အ​တောက်ဖြစ်​စေတဲ့ သာဓက​တွေ အများကြီးနေခဲ့သလို၊ ရှိနေဆဲလည်းဖြစ်ပါတယ်။
လူ​​​တွေဟာ ဘာလို့ အသားဖြူချင်တာလဲ။ အရပ်ရှည်ချင်တာလဲ။ အ​ပြင်ပန်းပုံသဏ္ဍာန်​တွေကို အာရုံစိုက်​နေရတာလဲ။ အ​ဖြေက​တော့ ရှင်းပါတယ်။ တစ်​စုံတစ်​ယောက် သို့မဟုတ် သူတို့ကိုယ်တိုင်ရဲ့ မျက်လုံးထဲမှာ လှပ​နေဖို့၊ ဆွဲ​ဆောင်မှုရှိ​နေဖို့ လိုအပ်​နေလို့ပါ။ ဒါ​ပေမယ့် ​သေချာ စဥ်းစားရမှာက လှပခြင်းရဲ့ စံ သတ်မှတ်ချက်ဆိုတာဟာ တစ်ဦးတစ်​ယောက်ခြင်းစီနဲ့ပဲ သက်ဆိုင်ပါတယ်။ ​အလှအပရဲ့ စံနှုန်း​တွေဟာ အ​ခြေခံအားဖြင့် လူ​တွေရဲ့​နေထိုင်ရာ ပတ်ဝန်းကျင် ​ဒေသ၊ ယဥ်​ကျေးမှု၊ ဓ​လေ့ထုံးစံ​တွေ​ပေါ် အများကြီး မူတည်​ပြီး ​ပြောင်းလဲ နိုင်ပါတယ်။

ယ​နေ့​ခေတ်ရဲ့ အမျိုးသမီး အများစုဟာ ပတ်ဝန်းကျင်ရဲ့ သတ်မှတ်ချက်​တွေကို ကြည့်​နေကြရပါတယ်။
အပြင်ပန်း အလှအပဟာ အမျိုးသမီး​တွေရဲ့ အ​ရေးအကြီးဆုံး ပိုင်ဆိုင်မှုဖြစ်ပြီး​တော့ အမျိုးသမီးတိုင်း ရှိထားပြီး ထိန်းသိမ်းထားရမယ့်အရာလို့ ပတ်ဝန်းကျင်က သက်မှတ်ထားကြတယ်။ ဒီ​နေရာမှာ ​မေးခွန်းထုတ်စရာက​တော့ ဘာလို့ ဒီလို အလှအပ စံနှုန်း​တွေ တည်ရှိ​နေရတာလဲ ဆိုတာပါပဲ။ အ​ဖြေက​တော့ ရိုးရှင်းပါတယ်။ တိုးတတ်မြန်ဆန်လွန်းတဲ့ ဒီဂျစ်တယ် ​ခေတ်ကြီးမှာ ​မီဒီယာ​တွေရဲ့ လှည့်စားမှုနဲ့ ​ကြော်ငြာ​တွေက ရိုက်ထည့်ထားတဲ့ အ​တွေးအ​ခေါ်​တွေ ​ကြောင့်ပဲဖြစ်ပါတယ်။ တစ်နည်း​ပြောရရင် မီဒီယာ​တွေက ကျွန်​တော်တို့ရဲ့ အ​တွေးအမြင်​တွေကို လှည့်စားပြီး သူတို့ ​တွေး​စေချင်တာ​တွေကို ​တွေးခိုင်းလိုက်တာပဲ ဖြစ်တယ်။ ​လူ​တွေဟာ ​ကြော်ငြာ​တွေက တဆင့် ပြီးပြည့်စုံ​နေတဲ့ အလှ​တွေကို မြင်​တွေ့​နေကြပြီး သ​ဘောကျ အားကျကြတယ်။ ဒါ​ပေမယ့် အများစုက​တော့ ပြုပြင်ထားတဲ့ သဘာဝမကျတဲ့ လှပမှု​တွေပဲ ဖြစ်တယ်ဆိုတာ မသိကြပါဘူး။ ဒါ​ကြောင့် အလှအပ စံနှုန်း​တွေဆိုတာ လူ့ပတ်ဝန်းကျင်က သတ်မှတ်ထားတယ်လို့​တောင် ​ပြောလို့ရပါတယ်။

လူအများစုဟာ အမျိုးသမီးတစ်​ယောက်ရဲ့ အလှအပကို အပြင်ပန်း ပိုသဏ္ဍာန်​ပေါ်ကြည့်ပြီး ဆုံးဖြတ်ကြပါတယ်။ ဒါ့အပြင် social media ​တွေဖြစ်တဲ့ facebook, instagram စတာ​တွေမှာ တင်ကြတဲ့ ပုံ​တွေဟာ ပြီးပြည့်စုံ လု နီးပါး ဖြစ်​နေတာ​တွေကို သ​ဘောကျ အား​ပေးကြတာနဲ့အမျှ မိမိ ကိုယ်ကိုယ် အားမလို အားမရဖြစ်ပြီး ကိုယ့်ရဲ့ အလှကိုလဲ သံသယဝင်လာကြပါ​တော့တယ်။ အသားအ​ရောင် ဖြူခြင်းဟာ ညိုခြင်း၊ မည်းခြင်း​တွေထက် လှပတယ်ဆိုတဲ့ အ​တွေးအ​ခေါ် တစ်ခုကို မီဒီယာ​တွေက ရိုက်သွင်းလိုက်တဲ့အခါ အသားအ​ရောင် ခွဲခြားမှု၊ လူမျိုး​ ခွဲခြားမှု​တွေ ဖြစ်လာပါ​တော့တယ်။ အ​သားအ​ရောင်သာမက ခန္ဓာကိုယ် အချိုးအစား​တွေမှာလဲ တန်ဖိုးထား သတ်မှတ်ပုံခြင်း မတူပါဘူး။ အလှအပ စံ သတ်မှတ်မှု​တွေက ယဥ်​ကျေးမှု၊ လူ့အဖွဲ့အစည်း​တွေသာမက သမိုင်းတ​စ်​လျှောက် ​ခေတ်အဆက်ဆက် ​ပြောင်းလဲလာခဲ့ပါတယ်။ ယ​နေ့ခေတ်မှာ​​တော့ သွယ်လျတဲ့ ကိုယ်၊ ကျဥ်း​မြောင်းတဲ့ ပုခုံး၊ မြင့်မားတဲ့ခါး၊ ပြီး​တော့ အချိုးကျတဲ့ မျက်နှာ​တွေကို လှပခြင်းရဲ့ စံနှုန်း တစ်ခုလို့ ယူဆလာကြပါတယ်။
ဒါဆိုရင် အသားဖြူ၊ အရပ်ရှည်ပြီး ငယ်ရွယ်​နေတာနဲ့ လှပ​နေပြီလို့ ​တွေးတာလား။ ဒါဆိုရင်​တော့ သင့် အ​တွေးကို ပြင်ဆင်သင့်ပါပြီ။ လူတိုင်းမှာ အပြစ်အနာအဆာ၊ အားနည်းချက်​တွေ ရှိကြပါတယ်။ ၁၀၀ ရာခိုင်နှုန်း စင်းလုံး​ချော ဖြစ်​နေဖို့ဆိုတာ လူသား​တွေအ​နေနဲ့ မဖြစ်နိုင်ပါဘူး။ မျက်နှာမှာ ထွက်လာတဲ့ ဝက်ခြံ၊ သွားအ​နေအထား၊ မျက်နှာက အစက်အ​ပြောက်​တွေက သင်ကိုယ်တိုင်ရဲ့ ထူးခြားမှု​တွေပဲ ဖြစ်ပါတယ်။ တကယ်​တော့ ကိုယ့်ရဲ့ ဖြစ်တည်မှု​တွေကို တန်ဖိုးထားပြီး ​နေတဲ့သူဟာ ကိုယ်တိုင်သာမက ပတ်ဝန်းကျင်က လူ​တွေရဲ့ တန်ဖိုးထားခြင်းကိုပါ ခံရပါတယ်။
သင်တို့ရဲ့ ခန္ဓာကိုယ်ကနေ စတင်လိုက်ရ​အောင်။ သင့်ရဲ့ ခန္ဓာကိုယ် အ​လေးချိန် ဘယ်​လောက်ဆိုတာ ​တွေးမ​နေပဲ သင့်ကိုယ် သင် ကြိုက်နှစ်သက်ပြီး ကျန်းမာ​​ရေး ​ကောင်းမွန်​နေမယ်ဆိုရင် ဘာမှ ​ပြောင်းလဲစရာမလိုပါဘူး။ သင်တို့ရဲ့ ခန္ဓာကိုယ်အချိုးအစားက ပြီးပြည့်စုံ​နေတာ မဟုတ်လို့ နှစ်​ပေါင်းများစွာ ကိုယ့်ကိုယ်ကိုယ် အပြစ်တင်​နေတာ​တွေ၊ ​ပြောင်းလဲ​ဖို့ ကြိုးစား​နေတာ​တွေကို မလုပ်ပါနဲ့​တော့။ ​သင့်ရဲ့ ဝတ်စားဆင်ယင်ပုံကို ​လိုက်ဖက်ညီ​အောင် ​ပြောင်းလဲတာ၊ ​နေထိုင်သွားလာပုံ​တွေကို လိုက်​လျောညီ​ထွေဖြစ်​အောင် ​ပြောင်းလဲတာ​တွေနဲ့ သင့်ရဲ့ အလှအပကို ​ဖော်ထုတ်နိုင်ပါတယ်။ အင်္ကျီအရှည် အပွ​တွေနဲ့ ဖုံးထားစရာ မလိုပါဘူး။ လူတိုင်း ကိုယ့်ရဲ့ ဘဝမှာ ကိုယ် ရှင်သန်​နေကြပြီး ကိုယ်မဟုတ်တဲ့ တခြားသူတစ်​ယောက်က သင့်ရဲ့ တင်ပါးက အရမ်းကြီး​နေတယ်။ မိန်းက​လေး​ဖြစ်ပြီး ခါးကသွယ်မ​နေဘူး။ ​ခြေ​ထောက်​တွေက မလှတဲ့အတွက် စကဒ်အတို မဝတ်နဲ့ဆိုတဲ့ စကား​တွေကို နား​ယောင်မ​နေပါနဲ့။ ဒါဟာ သူတို့​တွေရဲ့ အမြင်​တွေ ဖြစ်ပြီး​တော့ သင်ကိုယ်တိုင်ရဲ့ အ​တွေး​ခေါ်၊ ခံယူချက်​တွေ မဟုတ်ပါဘူး။ ဘာလို့ အခြားသူရဲ့ စကား​ကြောင့် ကိုယ့်စိတ်ထိခိုက်ခံရမှာလဲ။

လက်​ချောင်း​တွေ တုတ်​နေ​တာ၊ နှာ​ခေါင်းပြားတာ၊ မျက်နှာကြီး​နေတာ နှဖူး​ပြောင်တာ​တွေနဲ့ ပါးစပ်ပြဲတာ​တွေက သင့်ကို မလှ​စေတာ မဟုတ်ပါဘူး။ ရယ်တဲ့အခါ သွား​ပေါ်​အောင် ရယ်တာ၊ မျက်ကွင်းညို​နေတာ၊ ဗိုက်ပူတာ​တွေက အများစုမှာ ရှိတဲ့ အချက်​တွေပါပဲ။ ဒီအချက်​တွေဟာ သင့်ကိုယ်သင် ပတ်ဝန်းကျင်က လူ​တွေထက် နိမ့်ကျ​စေတယ်လို့ ​တွေးရမဲ့ အချက်​တွေ မဟုတ်သလို၊ ပတ်ဝန်းကျင်ရဲ့ စံနှုန်း​တွေ အတိုင်း လိုက်လုပ်နိုင်မှ လိုက်​လျောညီ​ထွေ ဖြစ်တယ်လို့ ​တွေးလို့ မရပါဘူး။ သင့်ရဲ့ မူလ ပုံစံကို သ​ဘောမကျတဲ့ သူ​တွေဟာ သင်နဲ့ မထိုက်တန်ဘူးဆိုတာ သိထားသင့်ပါတယ်။ ပတ်ဝန်းကျင် အမြင်ကို ​ပြောင်းလဲဖို့အတွက်နဲ့​တော့ သင့်ကိုယ်သင် မ​ပြောင်းလဲ သင့်ပါဘူး။ သင့်အတွက် သက်​​သောင့်သက်သာ ဖြစ်​စေမယ့်အရာတိုင်းက သင်နဲ့ လိုက်ဖက်ပြီး လှပ​နေမှာပါပဲ။

Coco Chanel ရဲ့ စကားအတိုင်း မိန်းက​​လေးတစ်​ယောက်ဟာ သူမ ဘယ်သူလဲ ဆိုတာနဲ့ ဘာကို လိုချင်လဲ ဆိုတာပဲ ဖြစ်သင့်တယ်။
ဆိုလိုရင်းက​တော့ အများရဲ့ အ​တွေးအမြင်​တွေကို ဂရုစိုက်​မနေပဲ ကိုယ့်အတွက် ​သင့်​တော်တာ ဖြစ်သင့်တာ​တွေကို လုပ်ကိုင်သွားရင် သင်ဟာ လှပ​နေမှာ အမှန်ပါပဲ။

သင့်ရဲ့ လှပခြင်းဆိုတာ သင်ကိုယ်တိုင် သတ်မှတ်ရမယ့်အရာပါ။ ကျွန်​တော်တို့က​တော့ လှပခြင်း​တွေဟာ အ​ပေါ်ယံ အ​ရေပြားက လာတာ မဟုတ်ပဲ အတွင်း စိတ်ဓါတ်က လာတာလို့ပဲ သတ်မှတ်ထားပါတယ်။ သင့်ကို ​နွေး​ထွေး​စေမှု၊ စိတ်လုံခြုံမှု​တွေနဲ့ လွတ်လပ် ​ပေါ့ပါး​စေရင် ဒါဟာ အလှတရားပါပဲ။ အလှအပဆိုတာ စံနှုန်းထားတွေနဲ့ သတ်မှတ်လို့မရတဲ့ ဆန်းကြယ်တဲ့ အရာတစ်ခုပါ။ လူတစ်ဦး တစ်​ယောက်ခြင်းရဲ့ ကိုယ်ပိုင် တန်ဖိုးထားခြင်း​တွေနဲ့ပဲ သက်ဆိုင်ပါတယ်။

အမျိုးသမီးတိုင်းဟာ လှပပါတယ်။ သင့် ပတ်ဝန်းကျင်က သင့်ကို ဖိအား​ပေးတာ​တွေကို မခံပါနဲ့။ အလှပဆုံး ပြုံးပြီး အပွင့်လင်းဆုံး ​နေထိုင်လိုက်ပါ။ အ​ရေးအကြီးဆုံးက​ ​ပျော်ရွှင်ဖို့နဲ့ ကျန်းမာဖို့ပါပဲ။ ​ပျော်ရွှင်​နေပြီး ကျန်းမာ​နေတာဟာ အလှပဆုံးပါပဲ။