Hoop Earrings တွေဆိုတာ ဟိုးရှေးခေတ်ကတည်းကနေ အခုချိန်ထိ စွဲစွဲမြဲမြဲဝတ်ဆင်နေကြတဲ့ accessories တခုပါပဲ။ ဒီဘက်ခေတ်ထိလည်း ခေတ်စားနေတုန်းပဲပေါ့။ ဒီနှစ်ပိုင်းအတွင်းမှာ ခေတ်စားနေတဲ့ earrings တွေအများကြီးရှိတဲ့ထဲကနေမှ Hoop earrings ကို ရွေးထားပါတယ်။ ဒီနှစ်ပိုင်းတွေမှာ ခေတ်စားလာမယ့် Hoop earrings ဒီဇိုင်းတွေကို ပြောပြပေးချင်ပါတယ်။ Hoop earrings က ဆိုဒ်သေးသေးလေးကနေ အကြီးကြီးထိ နေရာအနေအထား၊ စိတ်အနေအထား၊ ဝတ်တဲ့အဝတ်တွေ အပေါ်မူတည်ပြီး အမျိုးမျိုးပြောင်းလဲပြီး ဝတ်ဖို့ ရွေးချယ်စရာအများကြီးရှိပါတယ်။
Oversize Hoops
ဆိုဒ်အကြီးကြီးတွေနဲ့ Hoop earrings တွေကို 2020 runways တွေမှာ အားလုံးသတိထားမိကြမှာပါ။ Runway မှာတင်မဟုတ်ဘူး၊ runway တွေရဲ့အပြင်မှာလည်း Hoops ဆိုဒ်ကြီးတွေကို ဝတ်လို့ရတယ်ဆိုတာ oversize Hoops တွေကို ဖက်ရှင်အမိုက်စားတွေနဲ့ တွဲဖက်ဝတ်ဆင်ပြီး သက်သေပြလိုက်ပါ။
Stacked Hoops (Multi-Hoops)
Hoop earrings ကိုမှ layer ထပ်ထားတဲ့ hoops တွေကလည်း ရွေးချယ်သင့်တဲ့ထဲမှာပါပါတယ်။ layer နှစ်ထပ်ဖြစ်ဖြစ်၊ သုံးထပ်ဖြစ်ဖြစ် ထပ်ထားတဲ့ hoop earrings တွေကလည်း ဒီနှစ်ပိုင်းတွေမှာ ခေတ်စားလာနိုင်ချေရှိပါတယ်။
Pearl Hoops
ပုလဲတွေကို အရင်ခေတ်မှာပဲ ဝတ်ရမယ်လို့ တွေးနေရင်တော့မှားမယ်နော်။ ဒီဘက်ခေတ်မှာ ပုလဲတွေကို jewelry တွေကအစ ကလစ်လို accessories လေးတွေအဆုံး တွေ့လာရတာ အားလုံးသတိထားမိကြမယ်ထင်ပါတယ်။ Hoop earrings ကိုလည်း ပုလဲပါတာမျိုး ရွေးဝယ်ကြည့်ကြပါ။ ပုလဲကိုဝတ်ရင် classic ဆန်တဲ့ခံစားမှု၊ elegant ဖြစ်စေတဲ့ခံစားမှုမျိုးကို ခံစားမိမှာပါ။ Pearl Hoops တွေကိုလည်း classic ဆန်တဲ့ ဖက်ရှင်တွေဝတ်ဆင်ရမယ့် နေရာတွေမှာအသုံးချလိုက်ပါ။ သင့်ကို ကြော့ရှင်းတဲ့ခံစားမှုကို ပေးနိုင်မှာအမှန်ပါပဲ။ ပုလဲကို အများကြီးမဟုတ်ဘဲ တစ်လုံးတစ်လေလောက်ပဲပါတဲ့ hoop earrings မျိုးဆို ပေါ့ပေါ့ပါးပါးသွားလာတဲ့အချိန်မှာပါ ဝတ်လို့ရပြီး ဖက်ရှင်ကျနိုင်ပါသေးတယ်။
Geometric Hoops
Hoop earrings တွေကို မြင်နေကြ အဝိုင်းပုံစံမျိုးကနေကွဲထွက်တဲ့ လေးထောင့်ပုံစံ၊ ဘဲဥပုံစံ တွေကလည်း ရှိထားသင့်တဲ့ထဲမှာပါပါတယ်။ geometric shape hoops တွေက ဝတ်တဲ့အခါ Futuristic ဖြစ်တဲ့ look မျိုးရစေတဲ့အတွက် လူငယ်ဆန်တယ်၊ တက်ကြွတယ်၊ ပေါ့ပါးတဲ့အသွင်အပြင်ကို ရစေပါတယ်။
Thick Hoops
မြင်နေကြနဲ့ ကွဲထွက်နေမယ့် Hoop earrings ထူထူတွေကလည်း လူတွေရဲ့အမြင်အာရုံကို ဖမ်းစားနိုင်မှာအသေအချာပါပဲ။ ဒီလို Hoop earrings မျိုးကို ရိုးရှင်းတဲ့ဖက်ရှင်မျိုးနဲ့ တွဲဖက်ဝတ်ဆင်မယ်ဆို လူကြားထဲမှာ ထင်းခနဲဖြစ်နေမှာပါ။ ပွဲတက်ဖို့အတွက် ပွဲမှာ အများနဲ့မတူပေါ်လွင်နေအောင် ဒီလိုနားကပ်မျိုးက စွမ်းဆောင်ပေးနိုင်ပါတယ်။ ဒါပေမဲ့ အဝတ်အစားပိုင်းမှာ တခြား accessories တွေ၊ အမြင်ရှုပ်စေမယ့်ဟာမျိုးတွေနဲ့တော့ မတွဲသင့်ဘူးပေါ့။ ဥပမာ ရွှေရောင် ခပ်ထူထူ Hoops မျိုးကို ရိုးရှင်းတဲ့ dress တစ်စုံနဲ့ တွဲဖက်ဝတ်ဆင်တာမျိုးက သင့်ရဲ့ look ကို လူကြားထဲထင်ပေါ်အောင် လုပ်ပေးနိုင်ပါတယ်။
Editor: Maeve
