ကျစ်ဆံမြီးဆံပင်စတိုင်လ်တွေဆိုတာ ကျန်တဲ့ အချိန်တွေမှာသာ ခေတ်မထချင်နေမယ် ၊ သင်္ကြန်နားနီးပြီဆိုရင်တော့ လူငယ်တိုင်း ပြင်ဆင်ကြတဲ့ ဆံပင်စတိုင်လ်တစ်ခုပါ။ လွန်ခဲ့တဲ့ နှစ်တွေတည်းက သင်္ကြန်နားနီးပြီဆိုတာနဲ့ ကျစ်ဆံမြီး မျိုးစုံကျစ်တဲ့ ရေစီးကြောင်းက ဒီနေ့ထိ ခေတ်စားနေဆဲဖြစ်ပါတယ်။သင်္ကြန်အတွက် ကျစ်ဆံမြီးကျစ်တာက ဖက်ရှင်တစ်ခုလည်း ဖြစ်သလို ဆံပင်ပျက်စီးတာကနေ ကာကွယ်နိုင်တဲ့ နည်းလမ်းကောင်း တစ်ခုဖြစ်တဲ့အတွက် အကယ်လို့ ဒီနှစ်သင်္ကြန်မှာလည်း ကျစ်ဆံမြီးနဲ့ အပြတ်လန်းမယ်လို့ စဉ်းစားထားရင် LUSH က အခုပြောပြပေမယ့် ကျစ်ဆံမြီးစတိုင်လ်တွေကို တချက်လောက် နမူနာယူကြည့်လိုက်ပါ။
Middle Part Fulani Braids
ဦးရေပြားနဲ့ အနီးကပ်ဆုံး ကပ်ကျစ်ထားတဲ့ ကျစ်ဆံမြီးသေးသေးလေးတွေက ကောင်မလေးတွေ တော်တော်များများ သဘောကျတဲ့ပုံစံတွေထဲက တစ်ခုပါ။ အထူးသဖြင့် ဆံပင်ထူပြီး ရှည်တဲ့ သူတွေအတွက် အဆင်ပြေပြီး ပုံမှန်နောက်ကို လှန်ကျစ်တာထက်စာရင် အလယ်ခွဲပုံစံကို ကျစ်လိုက်တာက ရိုးပေမယ့် မြင်ရတာ ပိုအထာကျတယ်လို့ ခံစားရစေပါတယ်။
Cornrow Braids
လိုင်းတွေဖော်ပြီးကျစ်ထားတဲ့ Cornrow Braid တွေက ဘယ်တုန်းကမှ ရိုးမသွားတဲ့ ကျစ်ဆံမြီးစတိုင်လ်တွေပါ။ အထူကို ကြီးလို့သေးလို့ရသလို ဆံပင်တိုသူတွေလည်း ရတာမို့ လိုင်းဖော်ပြီးကျစ်မယ်ဆိုရင် ကျစ်လို့ရပါတယ်။ နည်းနည်းတော့ရိုးပေမယ့်Accessories တွေနဲ့ သေချာအလှဆင်မယ်ဆို တော်တော်လန်းသွားမှာ သေချာပါတယ်။
Faux Braids
ဒါကတော့ကိုယ်လိုချင်တဲ့အတို်င်း တစ်ခေါင်းလုံးကို ကျစ်ဆံမြီးအရင်ကျစ်လိုက်ပြီးမှ အပေါ်ကနေ ဆံပင်နဲ့ ပတ်လိမ်ပြီး အလှဆင်ထားတဲ့ စတိုင်လ်ပါ။ အပေါ်ကနေ ဆံပင်အတုနဲ့ တစ်လွှာချင်းစီ ကျစ်ဆံမြီးတစ်ခုချင်းစီပေါ်ကနေ ပတ်လိမ်ပြီး အဖျားမှာ ကျစ်ဆံမြီး ကျစ်လိုက်တဲ့ ပုံစံပေါ့။ ဒီဆံပင်စတိုင်လ်က ကျစ်ဆံမြီး စစ်စစ်ကြီး မဟုတ်ပေမယ့် ကျစ်ဆံမြီးလိုမျိုးကိုမှ ပိုပြီး Volume ထူတဲ့ ပုံစံမျိုးရစေမှာပါ။ ကိုယ်တိုင် အိမ်မှာ လိုက်လုပ်ကြည့်လို့လည်း လွယ်ပါတယ်။
Boxer Braids
Boxer Braid တွေကတော့ ဦးရေပြားကို ကပ်ကပ်ကြီး ကျစ်ရတာမကြိုက်တဲ့သူတွေအတွက် အဆင်ပြေပြီး ဆံပင်ကို ရှေ့ဘက်နားမှာ နှစ်ဖက်ခွဲကျစ်ပြီးမှ နောက်မှာ ငါးရိုးကို ကျစ်ကျစ်လစ်လစ် ကျစ်ထားတဲ့ပုံစံမျိုး ဖြစ်ပါတယ်။ ပိုပြီးဆန်းချင်တယ်ဆိုရင် ကျစ်ဆံမြီးမှာ ကွင်းလေးတွေ တပ်တာတို့၊ ကြိုးသေးသေးလေး ထည့်ကျစ်တာတို့လုပ်ကြည့်ပါ။ ပုံမှန် Boxer Braid တွေထက်တော့ဆန်းသွားမှာ အမှန်ပါပဲ။ Festival တွေမှာ ကောင်မလေးတွေ တော်တော်များများ ကျစ်ကြတဲ့ ကျစ်ဆံမြီးပုံစံမျိုးပါ။
Box Braids
ကျစ်ဆံမြီးသေးသေးလေးတွေ ကျစ်ရတာ မကြိုက်ဘူးဆိုရင်တော့ Box Braid လို ခပ်ထူထူ ကျစ်ဆံမြီးတွေက အဆင်ပြေပါတယ်။ ဒါပေမယ့် တစ်ခုသတိထားရမှာက ကျစ်ဆံမြီး အလုံးထူထူကျစ်ရတာဖြစ်တဲ့အတွက် ဆံပင်ပါးတယ်ဆိုရင်တော့ အချောင်းရေ နည်းပြီး အုံက ထူမှာမဟုတ်ပါဘူး။ ဒါကို သိထားဖို့လိုပါတယ်။ Box Braids ထဲကို ဖဲကြိုးရောင်စုံတွေ ထည့်ကျစ်တာတို့၊ အောက်ဖျားမှာ Braid Accessories တွေနဲ့ အလှဆင်တာတို့ လုပ်လို့ရပါတယ်။
Braid Ponytail
ရိုးရိုးဆံပင်ကိုတင် Ponytail စည်းလို့ရတာမဟုတ်ပါဘူး။ ကျစ်ဆံမြီးကိုလည်း Ponytail စည်းလို့ရပါတယ်။ ဒါပေမယ့် ဒီလို Ponytail စည်းမယ်ဆိုရင် ခပ်သေးသေး ကျစ်ဆံမြီးလေးတွေ ဖြစ်တာ ပိုလှပြီး စည်းတဲ့အခါ လွယ်ကူစေပါတယ်။ သူများတွေလို ကျစ်ဆံမြီး အချိန်ပြည့်ချမထားချင်ဘူးဆိုရင် Ponytail သာစီးကြည့်လိုက်ပါ။
Accessories တွေနဲ့ အလှဆင်မယ်ဆိုရင်တော့ သံကွင်းလေးတွေ၊ ရောင်စုံပုတီးစေ့လေးတွေ၊ ဖဲကြိုးလေးတွေ ထည့်ပြီး ဖန်တီးနိုင်ပါတယ်။
Editor : Su Yi Htet
