ဖက်ရှင်ကျကျ အိတ်ကလေးတွေစုဆောင်းတာ ကြိုက်နှစ်သက်တဲ့သူတွေအတွက် အနုပညာလက်ရာမြောက်တဲ့အိတ်လေးတွေကို ကြိုက်နှစ်သက်ကြတယ်ဆိုရင် Louis Vuitton ရဲ့ Artycapucines Bag collection လေးကတော့ ဆန်းသစ်တဲ့အနုပညာအရည်အသွေးကို ခံစားနိုင်တဲ့ ဖန်တီးမှုလေးတွေပဲဖြစ်ပါတယ်။ ပြီးခဲ့တဲ့နှစ်တုန်းကLouis Vuitton ရဲ့ ပထမအကြိမ် Artycapucines Bag Collection လေးကို အနုပညာရှင်(၆)ဉီးနှင့်အတူ ART & CULTURE – COLLABORATIONS လေးပြုလုပ်ခဲ့ပါတယ်။ ဒီနှစ်မှာလဲ အထင်ကရ ခေတ်ပြိုင်အနုပညာရှင် (၆)ဉီးဖြစ်တဲ့ “Beatriz Milhazes, Jean-Michel Othoniel, Josh Smith, Henry Taylor, Liu Wei, and Zhao Zhao” တို့နဲ့တွဲဖက်ပြီး လက်ရာမြောက်တဲ့ဒီဇိုင်း(၆)မျိုးကို limited collection လေးအဖြစ် ထပ်မံမိတ်ဆက်လိုက်ပြန်ပါပြီ။
Designed by artist BEATRIZ MILHAZES
ဘရာဇီးနိုင်ငံသူအနုပညာရှင်တစ်ယောက်ဖြစ်တဲ့ Beatriz Milhazes ကသူမဇာတိနိုင်ငံရဲ့လူကြိုက်များတဲ့အနုပညာကို inspire ယူပြီးအိတ်ပေါ်တွင် hypnotic paintings ကိုထည့်သွင်းပြီးအလှဆင်ဖန်တီးထားပါတယ်။ ပန်းပွင့်ပေါ်ကအရောင်နဲ့textureတွေကိုမတူညီတဲ့သားရေအမျိုးအစား(၁၈)မျိုးနဲ့ပေါင်းစပ်ဖန်တီးထားတာတွေ့ရပါတယ်။ LV Logo သင်္ကတကိုလည်းရွှေမှုန်နဲ့ဂျယ်ကိုအသုံးပြုပြီးဒီဇိုင်းနဲ့လိုက်ဖက်အောင်ဖန်တီးထားတာကိုလဲတွေ့ရပါတယ်။
Designed by Artist LIU WEI
တရုတ်နိုင်ငံသား ပေကျင်းအခြေစိုက် 3D sculpture အနုပညာရှင်တစ်ဉီးဖြစ်တဲ့ LIU WEI က 2019 Venice Biennale ပြပွဲမှာတွေ့ခဲ့ရတဲ့ ‘Microworld’ မှ geometric architectural ပုံစံကို inspire ယူပြီး ဖန်တီးထားတဲ့ အိတ်လေးတစ်လုံးဖြစ်ပါတယ်။ ငွေရောင်သားရေနှင့်အမဲရောင်သားရေကို ငွေရောင်ဝက်အူနဲ့တွဲ ဆက်ထားပါတယ်။ Black Plexiglas handles ကို အသုံးပြုထားတဲ့အတွက်ကြောင့် retro-futuristic sense ကိုရစေတဲ့ sculptural creation အိတ်လေးတစ်လုံးအဖြစ်ဖန်တီးထားတာကိုတွေ့ရပါတယ်။ 
Designed by Artist HENRY TAYLOR
ကလီဖိုးနီးယားနိုင်ငံသား အနုပညာရှင်တစ်ယောက်ဖြစ်တဲ့ ‘Henry Taylor’ က၂၀၁၅ မှာ ကွယ်လွန်သွားတဲ့ လော့စ်အိမ်ဂျယ်မြို့ရှိ မြေအောက်ပြတိုက်ကို တည်ထောင်သူ အာဖရိကန်-အမေရိကန်အနုပညာရှင် ‘Noah Davis’ ရဲ့သရုပ်ဖော်ထားသော ‘A Young Master’ ပန်းချီကားမှ လူငယ်တစ်ဉီးပုံကို3D,2D & laser printing techniques များဖြင့် ‘Artycapucines Bag’ ကိုဖန်တီးထားတာတွေ့ရပါတယ်။
Designed by Artist JEAN-MICHEL OTHONIEL
ပြင်သစ်အခြေစိုက်အနုပညာရှင်တစ်ယောက်ဖြစ်တဲ့ Jean Michel Otlhoniel ကသူရဲ့ ‘Artycapucines Bag’ ကို ‘summerbasket’ တစ်မျိုးပုံစံအဖြစ်ကဗျာဆန်ဆန်သရုပ်ဖော်ထားတာတွေ့ရပါတယ်။ လက်ကိုင်ကိုသူ့ရဲ့ iconic လက်ရာဖြစ်တဲ့ပဲရစ်ဘူတာရုံအဝင်ကပန်းတီးစေ့အကြီးကြီးပုံများနဲ့ဖန်တီးထားတာတွေ့ရတဲ့အပြင်အိတ်ရဲ့ကိုယ်ထည်ကိုလည်းဖဲချည်ကို hand-embroidered နည်းနဲ့ပြုလုပ်ဖန်တီးထားတာကိုတွေ့ရှိရပါတယ်။
Designed by artist JOSH SMITH
အမေရိကန်နိုင်ငံနယူးယောက်မြို့အခြေစိုက်အနုပညာရှင်တစ်ယောက်ဖြစ်တဲ့ artist Josh Smith’s ရဲ့ ‘Artycapucines Bag’ ကလေးကိုတော့သူကိုယ်တိုင်ရဲလက်မှတ်ပုံနှိပ်စာလုံးပေါင်းကိုဖောင်းကြွအောင်အချက်ပေါင်း၃၈၀,၀၀၀ကျော်ပန်းထိုးထားပြီးတောက်ပတဲ့ရောင်စုံကာလာတွေကို အသုံးပြုဖန်တီးထားတာတွေ့ရပါတယ်။ အတွင်းဘက်မှာတော့သူ့ရဲ့ပန်းချီကား “Palm#3” ကိုprinted လုပ်ပြီးဖန်တီးထားတာတွေ့ရပါတယ်။ အိတ်ရဲ့လက်ကိုင်နဲ့ LV သင်္ကတကိုတော့သစ်သားကိုရွှေရောင်သတ္တုနဲ့ဝန်းရံပြီးပြုလုပ်ထားတာကြောင့်အိတ်ရဲ့အလှကိုပိုပြီးကျက်သရေရှိစေတာတွေ့ရပါတယ်။
Designed by Artist ZHAO ZHAO
တရုတ်အနုပညာရှင်တစ်ယောက်ဖြစ်တဲ့Zhao Zhao ရဲ့ ‘Artycapucines Bag’ကလေးကတော့သားရေအမျိုးအစား(၅)မျိုးကိုအသုံးပြုပြီးအစပေါင်း(၃၅၃)စနဲ့ပေါင်းစပ်ဖွဲ့စည်းထားပါတယ်။ အထူးပြုလုပ်ထားတဲ့silkscreenပုံနှိပ်စနစ်တွေ ၊ ဖောင်းကြွအောင်ကြိမ်နှုန်းမြင့်ပြုလုပ်တဲ့စနစ်တွေ ၊ 3D ပန်းထိုးစနစ်တွေနဲ့သားရေအမျိုးအစားငါးမျိုးကအစိတ်အပိုင်းသုံးရာကျော်ကိုပေါင်းစပ်ပြီးဖန်တီးထားပါတယ်။ သူ့ရဲ့အထင်ကရ iconic လက်ရာဖြစ်တဲ့ ‘In Extremis No.3’ ပန်းချီကားကိုပုံဖော်ထားတာပဲဖြစ်ပါတယ်။
Artycapucines Bags Collection 2020
Louis Vuitton Brand နဲ့အထင်ကရအနုပညာရှင်(၆)ဉီးတို့ ပူးပေါင်းဖန်တီးထုတ်လုပ်တဲ့ Artycapucines Bags Collection လေးမှာဒီဇိုင်းတစ်ခုစီအတွက်အရေအတွက်(၂၀၀) ကန့်သတ်ထားပါတယ်။ အောက်တိုဘာ (၃၀)ရက်နေ့မှစတင်ပြီးတစ်ကမ္ဘာလုံးရဲ့ LV online official store ဖြစ်တဲ့ www.louisvuitton.com မှာ ထုတ်လုပ်ရောင်းချသွားမှာဖြစ်တဲ့အကြောင်း LV ရဲ့အိတ်ချစ်သူများအတွက် သတင်းကောင်းပါးလိုက်ရပါတယ်။
LUSH X Thi’s Fashion Alliances Collaboration
Reference :
https://us.louisvuitton.com/eng-us/magazine/art-and-culture
