LUSH Magazine ရဲ့ စာဖတ်ပရိတ်သတ်ကြီးအားလုံးပဲ မင်္ဂလာပါ။
နှစ်သစ်လဲရောက်ပြီဆိုတော့ ဒီအပါတ်အတွက် အဓိကရွေးချယ်ထားတဲ့ ခေါင်းစဉ်လေးကတော့ အရောင်တွေပဲဖြစ်ပါတယ်။
အရောင်တွေကလဲ Fashion and Styling နယ်ပယ်မှာ အရေးပါတယ်ဆိုတာကတော့ အားလုံးလက်ခံထားရတဲ့ အမှန်တရားတစ်ခုပါပဲ။ ဒါကြောင့်မို့လို့ ဒီအပါတ်အတွက် ပြောပြပေးချင်တာကတော့ 2021 Color Trend ထဲက ကိုယ့် Skin undertone နဲ့ လိုက်ဖက်မဲ့ အရောင်ကိုရွေးချယ်ပြီး ဝတ်ဆင်တတ်ဖို့ပဲ ဖြစ်ပါတယ်။
ကိုယ့်ရဲ့ Skin Undertone ကို ဘယ်လိုကြည့်ရမယ်ဆိုတာ သိချင်တဲ့ ပရိတ်သတ်ကြီးအတွက်ကတော့ အရမ်းကိုလွယ်ကူပါတယ်။ လက်ကောက်ဝတ်ကို ကြည့်လိုက်လို့ အစိမ်းရောင်သွေးကြောလေးတွေကို တွေ့မယ်ဆိုရင်တော့ သင်ဟာ Warm Undertone ပိုင်ရှင်ပဲ ဖြစ်ပါတယ်။ တကယ်လို့ သွေးကြောလေးတွေရဲ့အရောင်ဟာ ပြာနေမယ် ဒါမှမဟုတ် ခရမ်းရောင်သမ်းနေမယ်ဆိုရင်တော့ သင်ဟာ Cool Undertone ပိုင်ရှင်ဖြစ်ပြီး သွေးကြောရဲ့အရောင်ဟာ တစ်ချို့နေရာတွေမှာ စိမ်းပြီး တစ်ချို့နေရာတွေမှာ ပြာကာ အရောင်ပြောင်းတတ်ရင်တော့ Neutral Undertone ကို ပိုင်ဆိုင်ထားတာပဲဖြစ်ပါတယ်။
အဲ့ဒါဆို ဘယ်အရောင်လေးတွေကို ကိုယ့်ရဲ့ Skin Undertone နဲ့လိုက်ဖက်အောင် ရွေးချယ်ဝတ်ဆင်ရမလဲဆိုတာတော့ ကြည့်လိုက်ကြရအောင်………
Illuminating Yellow for Warm Undertone
Pantone ကရွေးချယ်ထားတဲ့ Color of the Year ဖြစ်တဲ့ Illuminating Yellow ကတော့ နှစ်လိုဖွယ်ကောင်းတဲ့ ခံစားချက်ကိုပေးပြီး မြန်မာနိုင်ငံရာသီဥတုနဲ့လဲ ကိုက်ညီတာမို့လို့ Warm undertone ပိုင်ရှင်လေးတွေ အကြိုက်တွေ့စေမဲ့ အရောင်လေးပဲ ဖြစ်ပါတယ်။
Marigold for Warm Undertone
တည်ငြိမ်နွေးထွေးတဲ့ ရသကို ပေးစွမ်းတဲ့ Marigold ဟာလဲ ၂၀၂၁ ရဲ့ Trendy color ထဲက တစ်ခုအဖြစ်နဲ့ ပါဝင်လာတာပဲ ဖြစ်ပါတယ်။ Illuminating Yellow လိုမျိုး လူငယ်ဆန်တဲ့ အဝါရောင်မျိုးထက် ရင့်ကျက်တဲ့အသွင်ကို ပိုပြီးသဘောကျတဲ့ သူတွေအတွက်တော့ Marigold ဟာ ရွေးချယ်သင့်တဲ့ အရောင်ဖြစ်လာမှာပါပဲ။
Cerulean for Cool Undertone
ကောင်းကင်ရဲ့ အပြာရောင်ကို လည်း သဘောကျမယ် Cool Undertone ပိုင်ရှင်လဲ ဖြစ်နေခဲ့မယ်ဆိုရင်တော့ Cerulean ဟာ ၂၀၂၁ ရဲ့ Trendy color တွေမှာ အရွေးချယ်သင့်ဆုံး အရောင်ပါပဲ။ မျက်စိအေးတဲ့ အရောင်ဖြစ်ပြီး နှစ်လိုဖွယ်ကောင်းတာမို့ အသက်အရွယ်တိုင်းနဲ့ လိုက်ဖက်တဲ့အတွက် မရှိမဖြစ်ဆောင်ထားသင့်တဲ့ အရောင်လေးပါပဲ။
Green Ash for Cool Undertone
Cool and soothing effect ကိုပေးစွမ်းနိုင်တဲ့ Green Ash လေးဟာလဲ နှစ်လိုဖွယ်ကောင်းတာကြောင့် Cool Undertone ပိုင်ရှင်များ သဘောကျနှစ်သက်စေမဲ့အရောင်ဖြစ်လာနိုင်ပါတယ်။ 
Ultimate Grey for Neutral Undertone
Ultimate Grey သည်လည်း ၂၀၂၁ ရဲ့ Top color နေရာကို Illuminating Yellow နဲ့အတူတူ ပူးတွဲယူထားတာမို့ Fashion Week တွေမှာ များစွာတွေ့ရဦးမဲ့ အရောင်လဲ ဖြစ်ပါတယ်။ Neutral skin undertone ပိုင်ရှင်တွေအတွက်တော့ အခြားသော အရောင်တွေနဲ့ ရောယှက်ဝတ်ဆင်ဖို့အတွက် အကောင်းဆုံး base color ဖြစ်လာမှာ အမှန်ပါပဲ။
Buttercream for Neutral Undertone
Buttercream လို Tinted and Bright ဖြစ်တဲ့ အရောင်တွေကတော့ Neutral skin undertone ကိုမှ Muted ဖြစ်တဲ့ skin color ပိုင်ရှင်တွေနဲ့တော့ အသင့်လျော်ဆုံးပါပဲ။
Desert Mist for Neutral Undertone
Neutral skin undertone ပိုင်ရှင်ဖြစ်ပြီး Deep ဖြစ်တဲ့ skin color ကို ပိုင်ဆိုင်ထားသူဆိုရင်တော့ နေရောင်ကြောင့်တောက်ပနေတဲ့ သဲရောင်နဲ့ ဆင်တူတဲ့ Desert mist color ကတော့ အလိုက်ဖက်ဆုံးရွေးချယ်မှုဖြစ်မှာ အမှန်ပါပဲ။
အခု တင်ဆက်ပေးခဲ့တဲ့ ၂၀၂၁ ရဲ့ အရောင်တွေအကြောင်းကို ပရိတ်သတ်ကြီးသဘောကျမယ်ထင်ပါတယ်။ နောက်ထပ်ဘယ်လို 2021 ရဲ့ Trend တွေနဲ့ ပတ်သက်တဲ့ ဘယ်လို Styling Tips တွေနဲ့ ပြန်လာခဲ့မယ်ဆိုတာကိုလဲ စောင့်မျှော်ကြည့်ရှုပေးကြပါဦး။
LUSH X Thi’s Fashion Alliances Collaboration
They also boost a chemical in your body called nitric oxide. cialis drug This action encourages the muscles in your penis to relax.
