မိုးရာသီမှာ ကမ်းခြေသွားရတာကို တော်တော်များများနှစ်သက်လေ့တော့ သိပ်မရှိကြပါဘူး။ အများစုသော ကမ်းခြေသွားကြသူတို့ရဲ့ အဓိကရည်ရွယ်ချက်ကတော့ အပန်းဖြေဖို့ပါ။ Adventure ဆိုရင် Snorkeling တို့၊ Diving တို့ပြုလုပ်နိုင်ပေမယ့် ဒီလို Adventure လုပ်ချင်တဲ့သူတွေက အဲဒီဝန်ဆောင်မှုရတဲ့နေရာကိုပဲ တန်းသွားကြတာပါ။ ကမ်းခြေသွားသူအများစုဟာလည်း နွေနဲ့ဆောင်းကိုသာ များသောအားဖြင့် ရွေးချယ်မှုပိုများပါတယ်။ တချို့သော Travel Company တွေတောင်မှ မိုးရာသီ ကမ်းခြေ Package တွေကိုရောင်းချခြင်းမရှိကြတော့ပါဘူး။
မိုးရာသီမှာ ကမ်းခြေကိုသွားရတာဟာ Risk ယူရတာမျိုးဖြစ်ပါတယ်။ တခြားရာသီဥတုထက် မိုးရာသီက ပိုပြီးတော့ ပင်လယ်ပြင်အန္တာရာယ်ပိုများပါတယ်။ ကမ်းခြေတချို့မှာဆိုရင် မိုးရာသီ ပင်လယ်ပြင်သို့ ရေဆင်းမကူးဖို့အတွက် လာရောက်တဲ့ဧည့်သည်ခရီးသွားတွေကိုတားမြစ်ထားတာတွေရှိပါတယ်။ ဒါပေမယ့် တအားစိုးရိမ်စရာမလိုပါဘူး။ မုန်တိုင်းအန္တာရာယ်ရှိမရှိကိုပဲ မိုးလေ၀သခန့်မှန်းချက်တွေကနေ လေ့လာပြီး ကိုယ်သွားမယ့်နေ့ကို ရွေးချယ်နိုင်ဖို့ပါပဲ။ မိုးရွာတဲ့အချိန်သွားလာရတဲ့အခါ ကသိကအောက်ဖြစ်ရတာကိုလည်း စိတ်မညစ်တတ်ဖို့လိုပါတယ်။
မိုးရာသီကမ်းခြေရဲ့အရသာ တစ်မျိုးတစ်ဖုံဆန်းသစ်နေမယ်ဆိုတာတော့ မမေ့သင့်ပါဘူးလေ။ မိုးရွာနေတဲ့ ကမ်းခြေဟာ ဘ၀ရဲ့မေ့ပျောက်နေတဲ့အရသာနဲ့ အမှတ်တရတွေကို ပြန်လည်ယူဆောင်ပေးလာနိုင်ပါတယ်။ မိုးရွာနေတဲ့ ကမ်းခြေရဲ့ mood ဟာ ပျော်ရွှင်မှုနဲ့ ၀မ်းနည်းမှုတွေကို ညီတူညီမျှပေးစွမ်းနိုင်ပါတယ်။ သောက်တတ်စားတတ်သူအဖို့လည်း ကမ်းခြေရဲ့ မိုးရေပြင်ဟာ လိုအပ်တဲ့ mood ကောင်းကောင်းကိုပေးနိုင်ပါတယ်။ မိုးရာသီဆိုတိုင်း နေ့တိုင်းမိုးရွာနေတာမှမဟုတ်တာလေနော်။ မိုးရွာမယ့်အချိန်ကိုထည့်တွက်ထားရုံပါပဲ။ ပြီးတော့ ပင်လယ်ကမ်းစပ်နားက မိုးရေစက်တွေဟာ လေတိုက်ခတ်နေတဲ့အတွက် ခန္ဓာကိုယ်ပေါ်ကိုတိုက်ရိုက်ထိရင် သာမန်မိုးရေစက်နာကျင်မှုကို ခံစားရစေပါတယ်တဲ့။ ဒါကြောင့် မိုးရွာနေတဲ့ကမ်းခြေမှာ လမ်းလျှောက်မယ်ဆိုရင် Rain Coat သို့မဟုတ်၊ ထီးတို့လို့ အကာအကွယ်ယူသွားဖို့လိုအပ်ပါမယ်။ ပြီးတော့ ကမ်းခြေမိုးရေဟာ သာမန်ထက်ပိုအေးတတ်ပါတယ်။ မိုးမရွာပဲ နေသာမိုးအုံ့အနေအထားကတော့ ကမ်းခြေရဲ့အလှအပကို ပြောဖွယ်ရာမရှိတော့ပါဘူး။
မိုးရွာနေတဲ့အသံနဲ့ ကမ်းခြေကိုရိုက်ခတ်နေတဲ့ ပင်လယ်ပြင်ရဲ့ အသံဟာလည်း ဇိမ်ခံစရာအနေအထားတစ်ခုကို ပို့ဆောင်ပေးနေတာဖြစ်ပါတယ်။ မိုးရာသီမှာ ကမ်းခြေသွားသူအချို့ဟာ လုံးဝအပြည့်အ၀အနားယူမယ်ဆိုတဲ့ရည်ရွယ်ချက်နဲ့သွားကြတာများပါတယ်။ အကြည့်ချင်ဆုံးရုပ်ရှင်တွေယူသွားတယ်။ ကိုယ်သုံးမယ့် ဘတ်ဂျတ်ပမာဏထဲကနေအကောင်းဆုံးသုံးမယ်။ Spa သွားမယ်။ ဇိမ်ခံတယ်။ ရေကူးတယ်။ သောက်မယ်စားမယ်။ ပင်လယ်ကနေကမ်းခြေကိုဖြတ်လာတဲ့ မိုးရနံ့ပါလာတဲ့လေကို တစ်ဝကြီးရှူရှိုက်ခံစားမယ်။
မိုးရာသီကမ်းခြေခံစားမှုအတွက် တစ်ညအိပ်နှစ်ရက်စတာမျိုးတွေကိုတော့ အားမပေးပါဘူး။ အနည်းဆုံး ၂ ညအိပ် ၃ ရက်ခရီးတော့ဖြစ်သင့်ပါတယ်။ ဒါမှ သင်လည်း ကောင်းကောင်းအနားရမှာပါ။
Lin Takhon
