Nike က House of Innovation ရဲ့တတိယမြောက်ဆိုင်ခွဲကို ပဲရစ်မှာ ဖွင့်သွားမယ့်အကြောင်းကြေညာလိုက်ပါတယ်။ House of Innovation ဆိုင်ကို ပထမဆုံးအနေနဲ့ New York ဖွင့်ခဲ့တာဖြစ်ပြီးတော့ House of Innovation 000 လို့နာမည်ပေးခဲ့ပါတယ်။ ဒုတိယမြောက်ဆိုင်ခွဲကတော့ ရှန်ဟိုင်းမှာပါ။ House of Innovation 001 ပေါ့။ အခု House of Innovation 002 ကိုတော့ ပဲရစ်မှာဖွင့်တော့မှာပါ။
ပဲရစ်က House of Innovation မှာ Nike ရဲ့ နောက်ဆုံးပေါ်တီထွင်ထားတာတွေကို ပြသွားမှာဖြစ်ပြီးတော့ ဥရောပမှာ Nike ဖိနပ်တွေကိုအများဆုံးတွေ့နိုင်မယ့် နေရာတစ်နေရာလည်းဖြစ်ပါတယ်။ ဆိုင်အပြင်အဆင်ပုံစံကတော့ အရင်ဆိုင်တွေရဲ့ပုံစံအတိုင်းကိုပဲ အဆင်မြင့်တင်ထားတာဖြစ်ပြီးတော့ exclusive member တွေအတွက်လည်း အခွင့်အရေးတွေအများကြီးရှိပါတယ်။
ကမ္ဘာမြေကိုကာကွယ်ပြီး အားကစားအတွက် ပိုကောင်းတဲ့အနာဂတ်တစ်ခုဖန်တီးဖို့ဆိုတဲ့ Nike ရဲ့ Move to Zero အရ ပဲရစ်က House of Innovation ကို ဒီဇိုင်းဆွဲထားပြီးတော့ ရေရှည်ခံဖို့အတွက်လည်း အသားပေးထားပါတယ်။ ဆိုင်ထဲမှာရော ဆိုင်ထဲမှာပြသထားတဲ့ပစ္စည်းတွေကိုပါ ရေရှည်ခံပစ္စည်းပေါင်း ကီလို ၈သောင်းခွဲကျော်ထိ သုံးထားတာဖြစ်ပြီးတော့ ကမ္ဘာ့အကြီးဆုံး လေစွမ်းအင်ကုမ္ပဏီတစ်ခုဖြစ်တဲ့ Iberdrola နဲ့ပူးပေါင်းပြီးတော့ စပိန်က လေစွမ်းအင်သုံးလျှပ်စစ်ဓာတ်အားပေးစက်ရုံကနေ ဓာတ်အားယူသုံးထားပါသေးတယ်။
Nike Paris မှာ Mission Control လို့ခေါ်တဲ့ member တွေပဲသီးသန့်ခံစားနိုင်မယ့်အခွင့်အရေးတွေနဲ့ ဆန်းသစ်တီထွင်မှုအသစ်တွေကို ပြသသွားမယ့် feature တစ်ခုပါလာပါတယ်။ တခြား feature အသစ်တွေဖြစ်တဲ့ အမျိုးသမီးတွေအတွက် Bra Fit by Nike Fit နဲ့ ကလေးတွေအတွက် လှုပ်လှုပ်ရှားရှားဖြစ်စေဖို့ Kids Pod ဆိုတဲ့ feature တွေလည်း ပါပါသေးတယ်။
ပဲရစ်က House of Innovation 002 က 79 Avenue des Champs-Élysées မှာ တည်ရှိပြီးတော့ ဇူလိုင် ၃၀ ရက်နေ့မှာ စပြီးဖွင့်လှစ်သွားမှာပါ။ ပဲရစ်က Nike House of Innovation ကို အောက်က video မှာ တစ်ချက်ကြည့်ကြည့်လိုက်ရအောင်။
Source: Nike
Ref: Hypebeast
