Festival Makeup Look for 2019

မိုးလည်းကုန်ပြီဆိုတော့ သွားစရာ festival တွေများလာပါပြီ။ နောက်နှစ် မိုးတွင်းမရောက်ခင်အချိန်ထိကို festival တွေတစ်ခုပြီးတစ်ခု ဆက်နေမှာဆိုတော့ မိန်းကလေးတွေအနေနဲ့ ပွဲတွေသွားတဲ့အခါ ထင်ထင်ပေါ်ပေါ်ဖြစ်နေအောင်၊ ဘယ်လိုပြင်ဆင်ရင်ကောင်းမလဲဆိုပြီး စဉ်းစားရကြပ်နေမှာပေါ့။ အဲ့ဒီအခက်ခဲတွေကိုသိလို့ makeup looks လေးတွေကို ရွေးပေးထားပါတယ်။ အခုပြောပြပေးသွားမယ့် makeup looks တွေက အခု ၂၀၁၉ ခုနှစ်မှာ ခေတ်စားနေပြီးတော့ festival တွေနဲ့ လိုက်ဖက်နိုင်မယ့် looks တွေကို ရွေးပေးထားတာပါ။ ဒီ ၂၀၁၉ ခုနှစ်မှာ Glitter, Bold Color, Graphic Line စတဲ့ makeup looks တွေကတော့ အရမ်းကိုခေတ်စားလာပါတယ်။ ဘယ်လို makeup looks တွေပါလဲဆိုတာကိုတော့ ပုံတွေမှာ caption တွေနဲ့ရေးပေးထားပါတယ်။ Festival တွေမှာ အလှပဆုံး လှနိုင်ကြပါစေ။

#LUSHmagazineMyanmar #LUSHitRight #LUSHdaily #LUSHbeauty #Festival #MakeupLook

Graphic line eye look

ရိုးရိုးရှင်းရှင်းနဲ့ လှနေမယ့် look မျိုးပေါ့။ အများကြီး ပြင်ဆင်ရတာမကြိုက်ဘူး၊ ပေါ်ပေါ်လွင်လွင်လည်း ဖြစ်ချင်တယ်ဆိုရင်တော့ ဒီ Graphic line eye look ကတော့အရွေးချယ်သင့်ဆုံးပါ။ တစ်ရောင်တည်းနဲ့လည်းအဆင်ပြေသလို အရောင် နှစ်ရောင်၊ သုံးရောင် ဖြစ်ဖြစ် ကြိုက်သလိုအသုံးချနိုင်ပါတယ်။ Graphic Line ဆွဲတော့မယ်ဆိုရင် လက်ငြိမ်ဖို့၊ ဆွဲလေ့ရှိနေဖို့လိုတာကြောင့် အလေ့အကျင့်တော့ လိုပါလိမ့်မယ်။ ဒါပေမဲ့ result ကိုတော့ အရမ်းသဘောကျနေမှာအမှန်ပါပဲ။

Glittery look

Glitter တွေတဖျက်ဖျက်နဲ့လက်နေတဲ့ မျက်ဝန်းအလှကတော့ Festival ပွဲတွေမှာ တောက်ပနေမှာအမှန်ပါပဲ။ ကိုယ်ဝတ်မယ့် outfit ပေါ်မူတည်ပြီး အရောင်တွေကစားလို့ရတော့ ပွဲထဲမှာ ထင်းနေလို့ လူအများရဲ့အာရုံကိုဖမ်းစားနိုင်မှာပါ။

Bold color look

အရောင်တောက်တောက်တွေကို ကစားချင်တယ်၊ ကစားဖို့လည်းမဝံ့မရဲဖြစ်နေရင်တော့ ဒီလိုအချိန်ကိုအသုံးချပြီး အရောင်တောက်တောက်တွေကို စိတ်တိုင်းကျပြင်ပစ်လိုက်ပါ။ ပုံထဲက Dee ပြင်ထားသလို အရောင်မတူတဲ့ eyeshadow ကိုသုံးပြီးပြင်တာမျိုးဆိုလည်း လူတွေရဲ့အာရုံကို ဖမ်းစားနိုင်မယ့်အပြင် festival မှာ လူကြားထဲ ထင်းခနဲဖြစ်နေပြီး photogenic ဖြစ်နေမှာအမှန်ပါပဲ။

Geometric makeup look

Geometric makeup look ကတော့ အကြိုက်ဆုံး makeup looks တွေထဲကတစ်ခုပေါ့။ ဒီ makeup look က နည်းနည်း challenging ဖြစ်ပြီး ပြင်နိုင်ရင်တော့ အရမ်းမိုက်တဲ့ makeup look မျိုးကို ရနိုင်မှာပါ။ ဒီ geometric makeup look နဲ့ဆိုရင်လည်း အများနဲ့မတူ တမူထူးခြားပြီး မိုက်နေမှာပါ။

No-makeup makeup look

မိတ်ကပ်ပြင်ရတာ မကြိုက်ဘူး၊ ပေါ့ပေါ့ပါးပါးလေးပဲ လိမ်းချင်တယ်ဆိုရင်တော့ မိတ်ကပ်ပါးပါးလေးလိမ်းပြီး မိတ်ကပ်မလိမ်းထားသလို ဒါမှမဟုတ် glow makeup look လေးနဲ့ လှနိုင်ပါတယ်။

Colored mascara

အရောင်ပါတဲ့ mascara တွေကလည်း ဒီနှစ်ပိုင်းမှာ ပြန်ခေတ်စားလာတဲ့ထဲမှာပါပါတယ်။ အဝါရောင်၊ ပန်းရောင်၊ အပြာရောင် စတဲ့ အရောင်လေးတွေနဲ့ကစားပြီး လှပတဲ့ makeup look တစ်ခုဖန်တီးနိုင်ပါတယ်။

မှဲ့ခြောက်လေးတွေကို သဘောကျတဲ့သူတွေဆိုရင်တော့ ဒီ makeup look လေးကို try ကြည့်လိုက်ပါ။ fake freckle ကိုမှ အခုလို အရောင်လေးတွေနဲ့ချယ်လိုက်မယ်ဆို မျက်နှာလေးက ချစ်စရာလေးဖြစ်နေမှာနော်။