Oscar ဆုရရှိထားပြီး Dallas Buyers Club, Mud, Interstellar စတဲ့ဇာတ်လမ်းတွေနဲ့ ပရိတ်သတ်တွေရင်ထဲမှာ နေရာတစ်နေရာယူထားတဲ့ နာမည်ကြီးမင်းသားတစ်ယောက်ဖြစ်တဲ့ Matthew McConaughey က Texas က The Enclave at Round Rock Senior Living မှာ ရှိကြတဲ့ အဖိုးအဖွားတွေနဲ့အတူတူ Bingo ကို video call ခေါ်ပြီး ဆော့ခဲ့ကြပါတယ်။ The Enclave at Round Rock Senior Living ဆိုတာ သက်ကြီးရွယ်အိုအဖိုးအဖွားတွေနေထိုင်ကြတဲ့ အဆောက်အဦပါ။ အဲ့မှာ အဖိုးအဖွားတွေက Bingo ဆော့နေကြဆိုပေမဲ့ အခုလို နာမည်ကျော်တဲ့သူနဲ့ တခါမှ မကစားခဲ့ဖူးကြပါဘူး။ အရင်နှစ်တုန်းကတော့ The Enclave မှာ နေထိုင်တဲ့သူတွေနဲ့ အဖွဲ့ဝင်တွေက McConaughey ကို သူတို့နဲ့အတူတူ Bingo ကစားဖို့ social media ပေါ်မှာတင်ခဲ့ဖူးပါတယ်။ အခု COVID-19 ဖြစ်တဲ့အချိန် McConaughey လည်း သူတို့နဲ့အတူတူ Bingo ဆော့ဖို့အချိန်ရခဲ့ပုံပါပဲ။ McConaughey နဲ့အတူတူ သူ့အမေ၊ သူ့ဇနီး နဲ့ သူ့ကလေးနှစ်ယောက်တို့ပါ တူတူ ဆော့ခဲ့ကြပါတယ်။ အဖိုးအဖွားတွေနဲ့အတူတူ ပျော်ပျော်ရွှင်ရွှင်ဆော့ခဲ့ကြပြီးတော့ အနိုင်ရတဲ့သူ ၂ ယောက်ရှိခဲ့ပါတယ်။
အခုလိုအချိန်အခါမှာ လူကြီးတွေအနေနဲ့ပိုပြီး သတိထားရမယ့်အချိန်ဖြစ်နေလို့ သူတို့ဆီမှာလည်း စိတ်ဖိစီးမှုတွေ၊ အထီးကျန်တာတွေဖြစ်နေမှာပါ။ အခုလိုမျိုး နာမည်ကြီးမင်းသားတစ်ယောက်က Bingo တူတူဆော့ပေးပြီး Cheer up လုပ်ပေးတော့ တူတူဆော့ခွင့်ရတဲ့အဖိုးအဖွားတွေလည်း အနည်းနဲ့အများတော့ စိတ်သက်သာသွားကြမှာပါ။ LUSHer တို့လည်း COVID-19 ဖြစ်နေတဲ့ဒီကာလမှာ ကိုယ့်ရဲ့လူကြီးမိဘတွေကို ပိုပြီးဂရုစိုက်အားပေးတာမျိုးလုပ်ပြီး social distancing ကိုလည်းလိုက်နာကြမယ်နော်။ အားလုံးပဲ ဒီကပ်ရောဂါကြီးရဲ့ဘေးကို အောင်အောင်မြင်မြင်ကျော်လွှားနိုင်ကြပါစေ။
Source: The Enclave at Round Rock Senior Living‘s Facebook Page
