တစ်ယောက်တည်းခရီးသွားတယ်ဆိုတာ အသဲကွဲခြင်း၊ မကွဲခြင်း၊ FA ဖြစ်ခြင်း၊ မဖြစ်ခြင်းတွေနဲ့ ယေဘုယျအားဖြင့် သက်ဆိုင်ခြင်းမရှိပါဘူး။ ယေဘုယျအားဖြင့်နော်။ အသဲကွဲခြင်းကို Solo Travelling နည်းလမ်းနဲ့ ကုသကြသူတွေများစွာရှိပါတယ်။
တစ်ယောက်တည်း ခရီးသွားမယ်လို့ စဉ်းစားဖူးပါသလား။ ခရီးစဉ်တွေကို တစ်ယောက်တည်းမသွားဖူးသေးသရွေ့ တစ်ယောက်တည်းခရီးသွားရခြင်းရဲ့အရသာအစစ်အမှန်ကို သိနိုင်မှာမဟုတ်ပါဘူး။ 🙂 နေရာဒေသအနှံ့ကို တစ်ယောက်တည်း ခရီးသွားရတာကိုမှ လုံးဝကြိုက်နှစ်သက်သူတွေဟာ ကမ္ဘာပေါ်မှာအများကြီးပါ။ သူတို့အားလုံးဟာ အသဲကွဲပြီး ခရီးတွေလျှောက်သွားနေသူတွေချည်း မဟုတ်ကြသလို၊ အထီးကျန်စွာနဲ့ ကွဲပြီးလျှောက်သွားနေကြသူတွေလည်းမဟုတ်ကြပါဘူး။ နောက်ပိုင်းမှာ Travel Blogger တွေရဲ့ အခန်းကဏ္ဍက ခေတ်စားလာတဲ့အခါ Solo Traveller တွေလည်း အရမ်းပေါများလာပါတယ်။ တစ်ယောက်တည်းခရီးသွားပြီးတော့ Travel Blog ကနေ ငွေကြေးရှာဖွေနိုင်သူ Vlogger/Blogger တွေလည်း ကမ္ဘာပေါ်မှာ အများကြီးတိုးပွားလာနေပါတယ်။ ဒါက အခုအကြောင်းအရာနဲ့သိပ်သက်ဆိုင်မှုမရှိဘဲ တစ်ခြားတစ်ဖက်က Solo Traveller တွေပါ။
ကဲ ဒီတော့ . . . အသဲကွဲတဲ့အခါ Solo Travelling လုပ်ရတဲ့ အတွေ့အကြုံက ဘာတွေဖြစ်လာနိုင်မလဲ။
အသဲကွဲတဲ့အခါ တစ်ယောက်တည်း ခရီးထွက်ကြည့်လိုက်ပါ မေ့ပျောက်ပြီး တစ်ကိုယ်တော်ပျော်ရွှင်မှုတွေ ရလာလိမ့်မယ်လို့ဆိုကြပါတယ်။ ဒါက တစ်ယောက်နဲ့တစ်ယောက် အယူအဆတွေကကွဲပြားပါတယ်။ တချို့ကလည်း အသဲကွဲပြီး တစ်ယောက်တည်း ခရီးသွားလိုက်တဲ့အခါ အတိတ်ကိုမေ့မေ့ပျောက်ပျောက်နဲ့ ပိုပြီးစိတ်ရွှင်လန်းချမ်းသာစေတယ်လို့ဆိုကြပါတယ်။ ဒီလိုဖြစ်ရင်တော့ ကောင်းတာပေါ့နော်။ တချို့ကျတော့ ကားစီးရင်း၊ Flight စီးရင်းလည်း ချစ်သူကို သတိရ၊ တစ်ယောက်တည်းအိပ်ရတော့လည်း သတိတွေရ၊ အခက်အခဲနည်းနည်းလေးကြုံရတော့လည်း ချစ်သူကိုသတိရ၊ ရှုမျှော်ခင်းအလှအပတွေကို မြင်တွေ့ရတဲ့အခါမှာလည်း ချစ်သူနဲ့အတူ မျှဝေခံစားလိုတဲ့ခံစားလိုတဲ့စိတ်ကြောင့် သတိတွေရပြီးရင်း ရရင်း ပိုပြီး ပိုပြီးအသဲကွဲရတဲ့ ခရီးစဉ်ဖြစ်စေနိုင်တယ်လို့ဆိုပါတယ်(တစ်ခါမက အတူတူသွားဖူးထားရင် ပိုကြေကွဲစရာကောင်းစေနိုင်ပါတယ်)။ ဒါပေမယ့် သတိပြုရမှာတစ်ခုက တစ်ယောက်တည်းသွားနေရတာဖြစ်တဲ့အတွက် မိမိအပေါ်မှာပဲ အရာရာမူတည်နေတာပါ။ အခက်အခဲကြုံတဲ့အခါ သူ့ကိုသတိရပေမယ့် အကူအညီမရတဲ့အခါ ကိုယ်တစ်ယောက်တည်းပဲ လုပ်ဖြစ်သွားမယ်၊ ထမင်းစားတဲ့အခါ သူမပါလည်း စားတတ်သွားမယ်၊ အိပ်တဲ့အခါ သူမရှိလည်း အိပ်တတ်သွားမယ်၊ မိတ်သစ်ဆွေသစ်တွေနဲ့ အတွေ့အကြုံအသစ်တွေရလာမယ်၊ လွတ်လပ်မှုခံစားတတ်မယ်၊ အသစ်အသစ်တွေ သင်ယူနိုင်မယ်၊ သူမရှိလည်း အရာရာဖြစ်နေတာပဲ၊ ကမ္ဘာဟာ ဒီလိုပဲလည်ပတ်နေပါလားဆိုတာကို လက်ခံတတ်သွားပါမယ်။ အသဲပိုကွဲရမလား၊ မေ့ပျောက်ဖြစ်သွားမလားဆိုတာကတော့ အဲဒီခံစားချက်နဲ့ခရီးသွားဖူးမှပဲ သိနိုင်ပါလိမ့်မယ်။ အဲဒီအခိုက်အတန့်မှာ တွေ့ကြုံလာသမျှ အရာရာဟာ သင်ကိုယ်တိုင်အပေါ်မှာပဲ ဖြစ်တည်နေတာကိုတော့ အမြဲနှလုံးသွင်းထားရပါမယ်။
LUSHer တို့မှာ အသဲကွဲပြီး တစ်ယောက်တည်းခရီးသွားဖူးတဲ့(တစ်ယောက်တည်းနော်) အတွေ့အကြုံရှိရင်လည်း မျှဝေပေးခဲ့ပါဦးနော်။
Lin Takhon
