လက်ဝတ်ရတနာတွေဆိုတာ မရှိမဖြစ်မဟုတ်ပေမယ့် လုံးဝမရှိလို့ကလည်း မရပြန်ပါဘူး။ သွားလာရတဲ့နေရာအနေအထားပေါ်မူတည်ပြီး ဝတ်ဆင်ဖို့ကလည်း လိုသေးတာကိုး။ လူတိုင်းမှာ အနည်းဆုံးတော့ လက်စွပ်ဖြစ်ဖြစ်၊ နားကပ်ဖြစ်ဖြစ် တခုခုတော့ ပုံမှန်ဝတ်လေ့ရှိတာပဲနော်။ အဲ့တော့ ခေတ်စားလာမယ့် jewelry အကြောင်းတွေကိုလည်း တီးမိခေါက်မိသင့်တာပေါ့။ ဒါကြောင့်မို့ ဒီနှစ်ဝန်းကျင်တွေမှာ ခေတ်စားလာနိုင်ချေရှိတဲ့ jewelry trends တွေကို ပြောပြသွားမယ်နော်။
Animal Jewelry
တိရစ္ဆာန်ပုံလေးတွေပါတဲ့ jewelry လေးတွေကို Runway Fall/Winter 2020 မှာ အများအပြားတွေ့ရမှာပါ။ Balmain ရဲ့ ကင်းမြီးကောက်ပုံ jewelry တွေ၊ Stella McCartney ရဲ့ မျောက်ပုံစံ jewelry တွေ၊ Dior, Carolina Herrara, Oscar de la Renta, Chloé, Giambattista Valli, Lanvin စတဲ့ brand တွေရဲ့ animal jewelry တွေကို ချပြခဲ့ပုံတွေက animal jewelry တွေကို runway အပြင်မှာပါ တွေ့လာစေဖို့များပါတယ်။
Colorful Jewelry
မြင်နေတွေ့နေကြ ရွှေရောင်၊ ငွေရောင် jewelry တွေကနေကွဲထွက်ပြီး အရောင်စုံတဲ့ လက်ဝတ်ရတနာတွေဟာလည်း ခေတ်စားလာနိုင်ပါတယ်။ မြန်မာနိုင်ငံအနေအထားနဲ့ဆို ရာသီဥတုတိုင်းနဲ့လိုက်ဖက်နေမှာ အသေအချာပါပဲ။
Single Earrings
Spring/Summer 2020 မှာ တွေ့ခဲ့ကြတဲ့ နားကပ်ကို တစ်ဖက်တည်းတပ်တာကလည်း trend ဖြစ်လာနိုင်ပါတယ်။ နားကပ်တစ်ဖက်တည်းကိုမှ အရွယ်အစားခပ်ကြီးကြီးနဲ့ တစ်ဖက်တည်းကို focus ထားထားတဲ့ ဒီဖက်ရှင်က ခပ်လန်းလန်းဝတ်ရမယ့် occasion တွေရှိရင်တော့ ကွက်တိပါပဲ။ ထသွားထလာဆိုရင်လည်း အရမ်းမကြီး၊ အရမ်းလည်းမသေးတဲ့ နားကပ်လေးတွေကို တပ်လို့ရပါတယ်။
Everyday Objects
နေ့စဉ်ဘဝမှာတွေ့နေရတဲ့ ပစ္စည်းတွေကို လက်ဝတ်ရတနာဒီဇိုင်းတွေအနေနဲ့ တွေ့လာရပါတယ်။ လူငယ်တွေနဲ့ပိုပြီး လိုက်ဖက်မယ့် ဒီဒီဇိုင်းဟာ နေ့စဉ်သွားလာတာကနေစပြီး ပွဲတက်တဲ့အထိ အဆင်ပြေသလို ရွေးချယ်ဝတ်ဆင်လို့ရပါတယ်။
Shoe Jewelry
လက်ဝတ်ရတနာတွေကို ခြေထောက်မှာလည်း အလှဆင်ပြီးဝတ်လာကြပါပြီ။ shoes တွေမှာ ကျောက်တွေအလှဆင်ပြီး ဝတ်တာကလည်း တခေတ်စားလာနိုင်ပါတယ်။
Chain jewelry
ခေတ်စားလာမယ့်ထဲမှာ ချိန်းကြိုး accessories တွေကိုလည်း ချန်ထားလို့မရပါဘူး။ ချိန်းကြိုးပုံစံ ဆွဲကြိုးတွေ၊ လက်ကောက်တွေကို ဆိုဒ်သေးသေးလေးကနေစပြီး အကြီးကြီးထိ အဆင်ပြေသလို နေရာအလိုက် ရွေးချယ်ဝတ်ဆင်လို့ရပါတယ်။
Chunky Chokers
မြင်နေကြ ခပ်သေးသေးမျိုးမဟုတ်ဘဲ အရွယ်အစားကြီးတဲ့ Choker တွေကလည်း ဖက်ရှင်ကျပြီး ခပ်မိုက်မိုက်အထာမျိုး ဖြစ်စေပါတယ်။
Cuffs
Cuffs လိုခေါ်တဲ့ လက်ကောက်ဝတ်မှာဝတ်ရတဲ့ ခပ်ကြီးကြီးလက်ကောက်မျိုးက Choker အကြီးကြီးတွေနဲ့ လိုက်ဖက်လွန်းပါတယ်။
အခုပြောပြပေးသွားတဲ့ jewelry ထဲမှာပဲဖြစ်ဖြစ်၊ ဒါမှမဟုတ် ပြောပြသွားတဲ့ထဲမှာမပါလည်း လူသိပ်မဝတ်ကြတဲ့ jewlery တွေပဲဖြစ်ဖြစ် ကိုယ့်အကြိုက်နဲ့ကိုက်နေတာမျိုးရှိရင် trend ဖြစ်မှာကို စောင့်နေစရာမလိုဘဲ ကိုယ်တိုင် trend ဖြစ်လာအောင် စပြီးဝတ်ဆင်ကြည့်ကြပါလို့ တိုက်တွန်းလိုက်ပါတယ်။
Editor: MayMT
