Food

With Malaysia’s National Day approaching on 31st August, the Embassy of Malaysia in Yangon marked…

A TASTE OF SOUTHEAST ASIA 🍜🌏 Four countries, distinctive flavours, and the foods that make…

ဗီယက်နမ်နိုင်ငံ ဆိုသည်မှာ ကော်ဖီအမျိုးမျိုးနှင့် အာရှတစ်ခွင်မှာ နာမည်ကြီးတဲ့ နိုင်ငံတစ်ခုပဲ ဖြစ်ပါတယ်။ ဗီယက်နမ်နိုင်ငံရဲ့ ဘယ်မြို့ကိုဖြစ်ဖြစ် ရောက်တဲ့အခါ ကျွန်တော်ကတော့ ကော်ဖီဆိုင်လေးတွေ ထိုင်ကြည့်ဖို့ အကြံပေးချင်တယ်။ ကော်ဖီဆိုင်ဆိုတာလည်း…

ကျွန်တော်တို့ဟာ ဒေသတစ်ခုကို ခရီးထွက်တဲ့အခါ အဲဒီဒေသအကြောင်း သေချာ ဂဂနန သိချင်ရင် ဒေသစျေးကိုသွားကြည့်ရတယ်လို့ ပြောလေ့ရှိကြပါတယ်။ ကျွန်တော့်အတွက် မန္တလေးမြို့နှင့် ပတ်သက်လို့ ရှိရင်တော့ စျေးချိုတော်ရဲ့ ပတ်ပတ်လည်မှာရှိတဲ့ စျေးသည်တွေဆီမှာ ရာသီစာလေးတွေ၊ ဒေသစာလေးတွေ လမ်းလျှောက်ရင်း လျှောက်ပတ်ပြီး ဝယ်စားချင်မိတာကတော့ အမြဲအာသီသပါပဲ။ ကျွန်တော်ကတော့ မန္တလေးမြို့ရဲ့ စျေးချိုတော်ကို ရောက်ရင် မစားမဖြစ်စားရမယ့်ဆိုင်တွေဆိုတာထက်လမ်းလျှောက်ရင်း မျက်စိရှေ့ရောက်လာတဲ့ စျေးသည်တွေဆီက စားချင်စိတ်ဖြစ်တဲ့ မုန့်တွေဆို ဝယ်စားလိုက်တာပါပဲ။ အဲဒါကြောင့် စစချင်းမှာ ပေါ့ပေါ့ပါးပါးလေးတွေ ပတ်စား ပြီးတော့မှ စျေးချိုတော်ရဲ့ နာမည်ကြီး မရာကျော်အသုပ်ဆိုင်မှာ ထမင်းသုပ်နှင့် အမဲအူကြမ်း ဟင်းရည်လေးသောက်ပြီး မမော်အချိုပွဲဆိုမှာ အချိုပွဲစားရင်း အစာပိတ်လေး စားချလိုက်တာပေါ့။ ကျွန်တော် ဘာတွေ စားဖြစ်ခဲ့လဲဆိုတော့ … ၁။ တကွင်းသူရဲ့ ရှမ်းမြောက်အစားအစာ ပန်းဂျုံ .. ပထမဆုံး ကျွန်တော်ကတော့ ရှမ်းပြည်နယ် မြောက်ပိုင်းဘက်က စားစရာတစ်ခုဖြစ်တဲ့ ပန်းဂျုံ (ခ) ခေါက်ရှောက်(ခ) ရှောက်ဖိန်းသုပ်လေးကို အရင်ဆုံးစားဖြစ်ခဲ့ပါတယ်။ သူ့အရသာလေးက မအီနေပဲ ချဉ်ချဉ်စပ်စပ်လေးကိုမှ မြေပဲဆံ၊ ငရုတ်သီးကြော်လေးတွေနှင့် တော်တော်ကောင်းတာဗျ။ ၂။ ကြာဇံကြော်နှင့် ငါးအရေခွံကြော် အသုပ်လေး မန္တလေးမြို့ရဲ့ အစားအစာလို့ ပြောလိုက်ရင် ငါးအရေခွံကြော်ကိုလည်း မေ့ထားလို့ မရပါဘူး။ စျေးချိုတော်တစ်ဝိုက်မှာ ကြာဇံကြော်လေးနှင့် တွဲရောင်းတဲ့ ငါးအရေခွံကြော်လေးကိုမှ ဘူးသီးဟင်းခါးလေးနှင့်ဆိုတော့ စားလို့ကောင်းလိုက်တာလို့ ရေရွတ်မိမှာပါပဲ။ ၃။ ဒေါ်ဂွတ်ထော်ဆီက အချဉ်ပေါင်းနှင့် သင်္ဘောသီးထောင်း မန္တလေးမြို့နှင့် အချဉ်ပေါင်းဆိုတာ တွဲမြင်နေရမှာ ဖြစ်သလို စျေးချိုက အချဉ်ပေါင်းလို့ ပြောလိုက်ရင် ဒေါ်ဂွတ်ထော်ကို မေ့ထားလို့ မရဘူးနော်။ သူ့ဆီမှာ အချဉ်ပေါင်းတွေအပြင် သင်္ဘောသီးထောင်းလေးကိုမှ ငါးပိများများလေးနှင့် ကောင်းမှ ကောင်းပဲ။…