Super Bowl 2020 ရဲ့ Halftime show မှာ Shakira နဲ့ Jennifer Lopez တို့ဖျော်ဖြေခဲ့တဲ့ video က social media မှာ အရမ်းကိုရေပန်းစားခဲ့တယ်နော်။ သူတို့နှစ်ယောက်ရဲ့ ဖျော်ြဖေမှုက အားလုံးကို ဝိုးခနဲ ဖြစ်သွားစေခဲ့တယ်။ သူတို့အားစိုက်ထုတ်ထားမှန်းကိုလည်း သိသာပေါ်လွင်နေပါတယ်။ သူတို့ရဲ့ ဖျော်ဖြေမှုတွေကိုလည်း ကြည့်ပြီးပြီဆိုတော့ သူတို့နှစ်ယောက် ဝတ်ဆင်ခဲ့တဲ့ဝတ်စုံတွေအကြောင်းကိုလည်း လေ့လာကြည့်ရအောင်။
Shakira ပွဲထွက်လာတဲ့ အနီရင့်ရောင်ဝတ်စုံက Peter Dundas ရဲ့ custom-made ဝတ်စုံဖြစ်ပြီးတော့ Swarovski crystals ပေါင်း ၁သိန်းကျော် ၂ သိန်းနီးပါးကို လက်နဲ့ပဲအလှဆင်ခဲ့တာပါ။ ဒီဝတ်စုံကို Shakira နဲ့ သူ့ရဲ့သီချင်းတွေကို မှီငြမ်းပြီးတော့ ချုပ်ဖြစ်ခဲ့တာလို့ Peter Dundas က ပြောပါတယ်။ အနီရင့်ရောင်ဝတ်စုံနဲ့အတူဝတ်ထားတဲ့ လက်ပတ်နဲ့ ဖိနပ် က Daniel Jacob (The Dan Life) ရဲ့ Swarovski crystals ပေါင်း ၃ သောင်းကျော်နဲ့ customize လုပ်ထားတဲ့ဟာတွေပါ။
Empire သီချင်းဖျော်ဖြေတဲ့အချိန်မှာ ငှက်မွေးတွေ၊ ကျောက်တွေနဲ့ အလှဆင်ထားတဲ့ စကတ်ကိုဝတ်လိုက်ပြီးတော့ ဂစ်တာတီးပြီးဖျော်ဖြေခဲ့ပါတယ်။ သူတီးခဲ့တဲ့ဂစ်တာကလည်း Swarovski crystals ပေါင်း ၇ သောင်းနဲ့အလှဆင်ထားတာပါ။
JLo နဲ့ အတူတူဖျော်ဖြေတဲ့အချိန်မှာ ဝတ်ထားတဲ့ ကျောက်တွေနဲ့အလှဆင်ထားတဲ့ ရွှေရောင်ဝတ်စုံနဲ့ အပေါ်ကထပ်ဝတ်ထားတဲ့ Bomber jacket တွေကလည်း Peter Dundas ရဲ့ဒီဇိုင်းတွေပါပဲ။ ဒီဝတ်စုံနဲ့လိုက်ဖက်အောင် Swarovski တွေနဲ့အလှဆင်ထားတဲ့ Adidas Superstar trainer ကို စီးခဲ့ပါတယ်။
JLo က Hustler ဇာတ်လမ်းအတွက်သင်ခဲ့တဲ့ pole dance ကို ဒီ show မှာလည်း ချပြသွားခဲ့ပါသေးတယ်။ သူဝတ်ခဲ့တဲ့ Dress တွေအကုန်လုံးက Versace ကပါ။ ပထမဆုံးပွဲဦးထွက်ကို biker-inspired look Medusa bodysuit နဲ့ ပန်းရောင်ဖဲသား ဂါဝန်ကို တွဲဖက်ဝတ်ထားပြီး ပွဲထွက်လာတာပါ။
ဒီ bodysuit မှာကပ်ထားတဲ့ ထောင်ချီတဲ့ Swarovski crystal တွေနဲ့ နှိပ်ကြယ်သီးတွေအကုန်လုံးက လက်နဲ့အသေးစိတ်လုပ်ထားတာဖြစ်ပြီးတော့ နာရီပေါင်း ၉၀၀ တောင်ကြာခဲ့ပါတယ်။
နောက်ထပ်တစ်စုံဖြစ်တဲ့ အသားကပ် ငွေရောင် bodysuit ကိုလည်း Swarovski crystal တွေ၊ metallic leather တွေ၊ အရောင်ပြန်မယ့်ပစ္စည်းတွေနဲ့အလှဆင်ပြီး Atelier Versace က ပန်းထိုးပညာရှင်တွေက ဖန်တီးထားတာပါ။ ဒီဝတ်စုံကလည်း နာရီပေါင်း ၇၀၀ ကျော်တောင်ကြာခဲ့ပါတယ်။
ပွဲအပိတ်ကိုတော့ လက်နဲ့ချုပ်ထားပြီး crystal အမြိတ်တွေနဲ့အလှဆင်ထားတဲ့ bondage-inspired belts ကို ငွေရောင် body suit ရဲ့အပေါ်ကနေဝတ်ပြီးတော့ Puerto Rico နဲ့ အမေရိကန် အလံတွေ တဖက်စီပါတဲ့ Versace ရဲ့ custom made အလံကို ခြုံပြီး ဖျော်ဖြေခဲ့ပါတယ်။ အလံမှာပါတဲ့ ငှက်မွေးပေါင်းက ၄ သောင်းကျော်ရှိပြီးတော့ အကုန်လုံးကို လက်နဲ့ပဲလုပ်ထားတာပါ။ အလံပေါ်က ကြယ်တွေဆိုရင်လည်း Swarovski crystals တွေနဲ့လုပ်ထားတာပါ။ ပြီးတော့ JLo ရဲ့ dancer ၁၃၀ ကျော် ဝတ်ခဲ့တဲ့ဝတ်စုံတွေကလည်း Versace custom-made တွေပါပဲ။
Source – LATimes, WWD, Versace’s Instagram, Insider, Dundas’s Instagram
