လာမယ့် Halloween အတွက် Costume ideas များ

Halloween ကလည်း တဖြည်းဖြည်းနီးလာပြီဆိုတော့ Halloween costume တွေအတွက် စဉ်းစားပြီးကြပြီလား?! Costume ဝတ်ပြီး အလှပုံရိုက်ဖို့ပဲဖြစ်ဖြစ်၊ သူငယ်ချင်းတွေနဲ့ပွဲအကျဉ်းချုံးလေးလုပ်ဖို့ပဲဖြစ်ဖြစ် plan ထားတယ်ဆို လူအများကြားမှာ ကိုယ့်ရဲ့ costume က ထင်းထွက်နေဖို့ကလည်း လိုတာပေါ့။ ဒါပေမဲ့ ကိုယ်ဘာဝတ်ထားလဲဆိုပြီး စဉ်းစားရမယ့်ဟာမျိုးမဟုတ်ပဲ မြင်လိုက်တာနဲ့တန်းသိမယ့် costume တွေ ရွေးရင်တော့ ပိုကောင်းတာပေါ့။ ဆိုတော့ လူကြားထဲလည်း ထင်းထွက်နေရမယ်၊ မြင်တဲ့သူတွေရဲ့စိတ်ထဲမှာလည်း တန်းသိမယ့် ဒီနှစ်ထဲမှာ ဝတ်လို့ကောင်းတဲ့ Halloween costume တွေကို ပြောပြပေးသွားချင်ပါတယ်။

1. Barbie

Barbie ကတော့ လူတိုင်းမှန်းထားပြီးသားဖြစ်မှာပါ။ ဒီနှစ်ထဲ လောလောလတ်လတ်ထွက်ထားတဲ့ Barbie ဇာတ်လမ်းရဲ့ အောင်မြင်မှုက အံ့မခန်းပဲ။ ဒီနှစ် Halloween ကတော့ Trick or Treat အပြင် Hi, Barbie! ဆိုပြီးပြောတဲ့အသံတွေပါ ညံ့နေမှာ မြင်ယောင်ပါသေးတယ်။

2. The Little Mermaid

“The Little Mermaid” live action က ဒီနှစ်ထဲမှာပဲထွက်ထားတာဆိုတော့ ဒီကားနဲ့ပတ်သက်ပြီး ကောင်းတာရော၊ မကောင်းတာရော feedback အမျိုးမျိုးရှိကြပေမဲ့ The Little Mermaid ဆိုတာ ‘90s born တွေအတွက် အရမ်းကြိုက်ခဲ့ရတဲ့ဇာတ်ကားလေးဆိုတာငြင်းမရပါဘူး။ ဆိုတော့ ကိုယ်တိုင်က The Little Mermaid ကို ကြိုက်တယ်၊ ကိုယ့်ရဲ့ Zodiac Sign က Water sign လည်းဖြစ်တယ်ဆိုရင် The Little Mermaid ကတော့ ဝတ်ကိုဝတ်သင့်တဲ့ costume ထဲပါပါတယ်။ သူ့အတိုင်းကွက်တိမဟုတ်တောင် Ariel တယောက် လူခြေထောက်ရတဲ့အချိန်ဝတ်တဲ့ အပြာနုရောင် corset ပုံ dress လေးကိုဝတ်၊ မိတ်ကပ်က အလက်လက်လေးတွေသုံးပြီး mermaid makeup လေးပြင်တာမျိုးပေါ့။

3. Beyoncé Renaissance World Tour

ကိုယ့်ရဲ့ Zodiac Sign က Virgo ဆို ဒီနှစ် Beyoncé ရဲ့ Renaissance World Tour က Look တွေကို ဝတ်ကြည့်ဖို့ အကြံပေးချင်ပါတယ်။ Beyoncé ကိုယ်တိုင်ကလည်း Virgo ဖြစ်တဲ့အပြင် သူ့ရဲ့ Renaissance World Tour မှာ ဝတ်တဲ့ outfit တွေကလည်း တကယ်ကို goddess တပါးကို ကြည့်နေရသလိုပါပဲ။

4. Doja Cat as Choupette

Doja Cat ကတော့ ဘယ်ချိန်ကြည့်ကြည့် Halloween ကာလမှာရှိနေသလိုကို ပွဲသွားပွဲလာတိုင်း သူဝတ်တဲ့အဝတ်အစားတွေက အမြဲကွဲထွက်ပြီး မိုက်တာ အားလုံးသိကြမှာပါ။ ဒါပေမဲ့ ဒီနှစ်ထဲ သူဝတ်သမျှထဲမှာ လူတိုင်းရဲ့စိတ်ထဲစွဲကျန်နေတဲ့ outfit ကတော့ Met Gala 2023 တုန်းက Karl Lagerfeld ရဲ့ကြောင်လေး Choupette အနေနဲ့ ဝတ်ခဲ့တဲ့ outfit ပါပဲ။

5. The Cast of ‘Euphoria’

ပုံမှန်ဝတ်နေကြနဲ့ သိပ်မကွဲတဲ့ပုံစံအတိုင်းဝတ်ပြီး costume လို့ပြောချင်ရင်တော့ Euphoria ထဲက cast တွေလို လိုက်ဝတ်လို့ရပါတယ်။ ကျောက်လေးတွေမျက်လုံးတဝိုက်မှာအလှဆင်တာတို့၊ အရောင် eyeliner တွေ၊ eyeshadow တွေခြယ်တာတို့လုပ်ဖို့တော့ မမေ့နဲ့နော်။

6. Taylor Swift’s Eras Tour

ဒီနှစ်ထဲမှာ Taylor Swift ရဲ့ Eras Tour ရှိနေတာဆိုတော့ ဒီနှစ် Halloween costume အတွက် Swiftie တွေအနေနဲ့ ကိုယ်ချစ်ရတဲ့ Taylor အတိုင်း လိုက်ဝတ်မယ်ဆို အချိန်ကောင်းပါပဲ။ Eras Tour မှာ ဝတ်တဲ့ outfit တွေက အများကြီးရှိတာဆိုတော့ ကိုယ့်ရဲ့ fashion style နဲ့အလိုက်ဖက်ဆုံး ဒါမှမဟုတ် ကိုယ့်အကြိုက်ဆုံးကို ရွေးပြီး ဝတ်ရုံပါပဲ။ Taylor က Sagittarius ဆိုတော့ ကိုယ်က Sagittarius လည်းဟုတ်တယ်၊ Swiftie လည်းဟုတ်တယ်ဆိုရင်တော့ Taylor အတိုင်း လုံးဝကို ဝတ်သင့်သွားပြီ။

7. Wednesday Addams

ဒီနှစ်ရဲ့ Halloween costume ကို စဉ်းစားတော့မယ်ဆို Wednesday Addams ကိုမေ့ထားလို့မရဘူးနော်။ Halloween ကြိုက်တဲ့သူတိုင်းက အနက်ရောင် outfit တွေရှိပြီးသားဆိုတော့ ထွေထွေထူးထူးသိပ်စဉ်းစားစရာမလိုပဲ Wednesday Addams costume လုပ်လို့ရတာပေါ့။ လူကြားထဲနည်းနည်းပိုပြီး ထင်းထွက်ချင်နေရင် Wednesday ရဲ့ Nevermore Academy uniform မဟုတ်ပဲ off-campus look ဖြစ်တဲ့ casual jean, sweater နဲ့ boot outfit ကို ဝတ်လို့ရပါတယ်။

8. Mojo Dojo Ken

Halloween costume မှာ Barbie ကိုတော့ထည့်ပြီး Ken ကို ချန်ခဲ့လို့ဘယ်ဖြစ်မလဲနော်။ Costume အတွက် Ken ကိုစဉ်းစားမယ်ဆို Ken ရဲ့ outfit တွေထဲမှာ အမိုက်ဆုံး၊ stand out အဖြစ်ဆုံးဖြစ်တဲ့ Mojo Dojo Ken outfit ကို ဝတ်စေချင်တယ်။ စုံတွဲတွေဆို Barbie နဲ့ Ken လိုဝတ်ပြီး အမိုက်စား couple Halloween costume လည်း ဖန်တီးလို့ရတယ်လေ။

9. Morticia Addams

Halloween costume အနေနဲ့ elegant, edgy နဲ့ sexy ဖြစ်တာမျိုးဝတ်ချင်တယ်ဆို Addams Family ထဲက Wednesday ရဲ့အမေ Morticia Addams ကို မေ့ထားလို့မရပါဘူး။ ကျော့ရှင်းပြီး ဆွဲဆောင်မှုပြင်းလွန်းတဲ့ Morticia ရဲ့ မြေကြီးထိကျနေတဲ့ အနက်ရောင် dress အရှည်၊ အနက်ရောင်နှုတ်ခမ်းနီ၊ အနက်ရောင်ဆံပင်အရှည်ကြီးတွေက Halloween costume အနေနဲ့ဆို လုံးဝ perfect ပါပဲ။

10. Princess Peach

အရမ်းချစ်စရာကောင်းလွန်းတဲ့ Super Mario ကာတွန်းလေးကလည်း ဒီနှစ်ထဲမှာထွက်ထားတယ်နော်။ ပုံမှန် Super Mario ကို costume အနေနဲ့စဉ်းစားရင် Mario တို့ ညီအစ်ကိုနှစ်ယောက်ကိုပဲ ပြေးမြင်ကြတယ်ဟုတ်။ အခု animation ကားလေးကြောင့် Princess Peach ကို လူတွေပိုပြီး မြင်လာကြတယ်လို့ပြောရင် မမှားပါဘူး။ ဆိုတော့ ဒီနှစ် Halloween costume မှာ independent ဖြစ်ပြီး စိတ်ထားကောင်းတဲ့ Princess Peach လေးလို ဝတ်မယ်ဆို တော်တော်ကိုချစ်ဖို့ကောင်းပြီး လူကြားထဲ stand out လည်းဖြစ်မှာပါ။