အားကစားလိုက်စားကြတဲ့ LUSHers တို့အတွက် August လထဲမှာ ပြုလုပ်သွားမယ့် Zumba ပွဲအကြောင်း သတင်းကောင်းပေးချင်လို့ပါ။ Zumba ကရတာဝါသနာပါတဲ့သူတွေအတွက် ပြည်တွင်း၊ ပြည်ပ Zumba Instructor တွေနဲ့အတူကရင်း ဒီပွဲလေးကရရှိမယ့် အကျိုးအမြတ်အားလုံးကို ပြန်လည်လှူဒါန်းသွားမယ့် အစီအစဉ်လည်း ရှိသေးတယ်နော်။
Monsoon Zumba Fiesta ပွဲကိုတော့ သြဂုတ်လ (၁၀) ရက်နေ့ ညနေ (၅) နာရီခွဲကနေ (၇) နာရီအထိ ကျင်းပပြုလုပ်သွားမှာပဲဖြစ်ပါတယ်။ ပွဲကျင်းပရာနေရာကိုတော့ တော်ဝင်ဂါးဒန်းဟိုတယ်မှ အဓိက ကူညီပံ့ပိုးပေးထားတာဖြစ်ပြီးတော့ Monsoon Zumba Fiesta ပွဲမှ ရရှိတဲ့ ဝင်ကြေးငွေအားလုံးနှင့် ပွဲမှ ရရှိသောအကျိုးအမြတ်အားလုံးကို ကင်ဆာဝေဒနာခံစားနေရပြီး အမှန်တကယ်ဆေးဝါးလိုအပ်နေတဲ့ ကလေးငယ်တွေအတွက် Taw Win Development Foundations မှတဆင့် လှုဒါန်းသွားမယ့် အစီအစဉ်လည်း ပါဝင်ပါတယ်။
ဒီပွဲမှာ Vietnam ၊ Malaysia ၊ Hungary နဲ့ UK နိုင်ငံတွေက Zumba Instructor တွေသာမက မြန်မာနိုင်ငံက Zumba Instructor တွေပါလာရောက်ပြီး အခမဲ့ Zumba သင်တန်းများပို့ချပေးမှာဖြစ်ပါတယ်။
လက်မှတ်ဈေးနှုန်းတွေကလည်း တကယ့်ကိုဘယ်နေရာမှာမှ မရနိုင်တဲ့ဈေးနှုန်းတွေနဲ့ ရရှိမှာပါ။ တစ်ယောက်တည်း Join မယ်ဆိုရင်တော့ Early Bird အနေနဲ့ တစ်စောင်ကို တစ်သောင်းကျပ်နဲ့ ဝယ်ယူရရှိနိုင်မှာဖြစ်ပြီး အဖွဲ့လိုက် Join ချင်တဲ့သူတွေအတွက် Early Bird ဆယ်စောင်ကို ရှစ်သောင်းကျပ်နဲ့ သြဂုတ်လ (၅) ရက်နေ့အထိ ဝယ်ယူနိုင်မှာဖြစ်ပါတယ်။
သြဂုတ်လ (၅) ရက်နေ့နောက်ပိုင်း ဝယ်ယူကြမယ့်သူတွေအတွက်ကတော့ လက်မှတ် တစ်စောင်ကို တစ်သောင်းနှစ်ထောင်ကျပ်နဲ့ ဝယ်ယူနိုင်မှာဖြစ်သလို ပွဲနေ့ရောက်မှ ဝယ်မယ်ဆိုရင်လည်း တစ်စောင်ကိုတစ်သောင်းငါးထောင်ကျပ်နဲ့ ပွဲရောက်မှဝယ်နိုင်ပါတယ်။
ပွဲအကြောင်းအသေးစိတ် အချက်အလက်တွေ လေ့လာချင်တယ်ဆိုရင်တော့ ဒီ Link ကနေတဆင့် လေ့လာနိုင်ပါတယ်နော်။ https://www.facebook.com/events/334660177413876/?active_tab=about
