ဖက်ရှင်နဲ့ပတ်သက်လာရင် ယောကျာ်းလေးအဝတ်အစားတွေက ထူးခြားဆန်းပြားပြီးကွဲထွက်နေတာတွေ၊ တီထွင်ဖန်တီးမှုတွေမျိုးကို နေ့စဉ်နေထိုင်မှုဘဝမှာ တွေ့ရခဲတာကတော့ အားလုံးသိမှာပါ။ ဒီ norm ကနေ ခွဲထွက်ဖို့ ဖက်ရှင် brand တွေတော်တော်များများက နည်းအမျိုးမျိုးနဲ့ချပြနေကြပါတယ်။ အခု Spring 2024 Menswear Fashion Show မှာဆိုလည်း နာမည်ကြီး brand တွေအများကြီးက မတူတဲ့ concept တွေနဲ့ အမျိုးမျိုးကို ချပြသွားခဲ့ပါပြီ။
ဘယ်လိုမျိုးဖက်ရှင်တွေကို ချပြသွားလဲဆိုတာကိုတော့ အောက်မှာဆက်ပြီး ကြည့်လိုက်ကြတာပေါ့။
Schoolboy Uniform
Schoolboy Uniform လို့ခေါ်တဲ့ Jacket ခပ်ပွပွနဲ့အောက်က ဘောင်းဘီတိုတိုနဲ့ ဒီဇိုင်းတွေကို Louis Vuitton, Valentino, Paul Smith, Wales Bonner, Givenchy တို့လို ဒိတ်ဒိတ်ကြဲ ဖက်ရှင်ဒီဇိုင်နာတွေ၊ brand တွေကနေ ချပြသွားပါတယ်။ ဒါဟာ Tailoring တွေပြန်ခေတ်စားလာမယ့် အရိပ်အယောင်တခုလို့ပြောရင်လည်း မမှားပါဘူး။
See Through
နောက်ထပ်စိတ်ဝင်စားစရာကောင်းတာကတော့ ဖောက်မြင်နေရတဲ့ see through အဝတ်အစားတွေပါပဲ။ ဒါတွေကို Hèrmes, Walter Van Beirendonck, Emporio Armani နဲ့ Courrèges တို့က ပြသသွားခဲ့တာကိုတွေ့ရပါတယ်။ ဒီ See Through တွေက သေချာသာပြင်ဆင်ဝတ်ဆင်တတ်ရင် နေ့စဉ်လှုပ်ရှားသွားလာတဲ့အချိန်မျိုးမှာတောင် အရမ်းကို အထာကျပြီး ဖက်ရှင်ကြမှာတော့ သေချာပါတယ်။
Utility vests
ယောကျာ်းဆန်တဲ့အသွင်အပြင်ကို မပျောက်ပဲ ခပ်မိုက်မိုက် edgy အထာမျိုးတွေကို ချပြခဲ့တာကတော့ Fendi, Sacai, Hed Mayner, Junya Watanabe တို့ပါပဲ။ Utility Vests တွေ၊ Tool Belt တွေကို next level တခုအနေနဲ့ ချပြထားတဲ့ ဖက်ရှင်တွေကို မြင်ရပြီး Cargo Pants တွေအပြင် ဒါမျိုးတွေကိုပါ နောက်ပိုင်းမှာ လူဝတ်များလာနိုင်မယ့်ခံစားချက်မျိုးကို ရစေတာတော့အမှန်ပါပဲ။
Featherweight Fabrics
နောက်ထပ်တွေ့ခဲ့ရတာကတော့ အမွှေးဖွားဖွား fabric တွေပါပဲ။ ဒီလို fabric တွေက queer တွေ၊ gay men တွေပဲဝတ်တယ်ဆိုတဲ့ လူတွေရဲ့အရိုးစွဲနေတဲ့အတွေးတွေကို ဖျောက်ဖျက်ပစ်ချင်တဲ့ရည်ရွယ်ချက်ကလည်း ပေါ်လွင်နေပါတယ်။ ဒီဖက်ရှင်တွေကို Saint Laurent, Dries Van Noten, JW Anderson, Etro, Amiri တို့က ချပြခဲ့ပါတယ်။
Deconstructions
မိန်းကလေးဝတ်အဝတ်အစားတွေမှာတွေ့နေကြ ကြိုးထုံးဒီဇိုင်းတွေ၊ ဖြတ်ညှပ်ကပ်ထားတဲ့ဒီဇိုင်းတွေနဲ့ မပြီးသေးတဲ့ပိတ်စတခုလိုဒီဇိုင်းမျိုးတွေကို ပီပီပြင်ပြင်နဲ့အမိုက်စားချပြခဲ့တာကတော့ Comme des Garçons Homme Plus, Burc Akyol, Kiko Kostadinov တို့ပါပဲ။
စာဖတ်သူတို့ရော ဒီလို Gender norm တွေကို ဘယ်လိုနည်းတွေနဲ့ချပြပြီး ခွဲထွက်ဖို့ကြိုးစားနေကြလဲ။ အခု Spring 2024 Menswear Fashion Show ကနေရော ဘယ်လိုတွေ inspired ယူပြီး ပြန်အသုံးချဝတ်ဖို့စဉ်းစားနေကြပြီလဲဆိုတာ ပြောပြပေးသွားပါဦး။
