ကိုဗစ်ကာလ လူငယ်တို့ရဲ့ Gym ယဉ်ကျေးမှု

ခေတ်မီတဲ့ လူငယ်တွေတိုင်း Gym သွားကြတဲ့ ယဉ်ကျေးမှုနဲ့နီးစပ်နေတဲ့အတွက် အခုကာလမှာ တချို့ Gym တွေ ပြန်ဖွင့်နေကြပါပြီ။ မြန်မာပြည်က Gym တွေမှာ ဘယ်လိုနည်းစနစ်တွေ သုံးပြီး ကာကွယ်မှုတွေနဲ့ ဖွင့်နေကြပြီလဲ။ လူငယ်တွေရော Gym တွေပြန်သွားနေကြတာ တစတစ တွေ့လာရတော့ စိတ်ချရပါ့မလားဆိုပြီး အခြေအနေ ကြည့်ပြီး စောင့်ကြည့်နေသူတွေ ရှိကြမယ်ထင်ပါတယ်။

‘ဒီအတိုင်းနေလို့ မဖြစ်တော့ဘူး’ ဆိုတဲ့ စကားကို လူတိုင်းလိုလိုပြောလာကြပြီး စိတ်ထွက်ပေါက်ရှာလာကြတဲ့အခါ လိုက်မလုပ်ရဲသူတွေက အခြေအနေကို စောင့်ကြည့်နေသူတွေဖြစ်မှာပါပဲ။ နည်းလမ်းတစ်ခုခုက အကောင်းဆုံးအခြေအနေကို ပေးနိုင်မယ်ဆိုတာကို တွေ့ရင် လူတိုင်း လိုက်လုပ်ကြဖို့ ဝန်မလေးတဲ့ အချိန်အခါတစ်ခုလို့ ပြောရမှာပါပဲ။

ကယ်လီဖိုးနီးယားက Gym တစ်ခုကတော့ Social Distancing နဲ့ အညီ ဖွင့်လှစ်လိုက်တဲ့အကြောင်း တွစ်တာမှာ သတင်းတက်လာတဲ့အပေါ် ဝေဖန်မှုတွေ ပလုံစီနေခဲ့တယ်။ သဘောမတူတဲ့ လူတွေရှိသလို အဲဒီGym ကို သွားရောက်လေ့ကျင့်နေသူတွေလည်း ရှိနေတာကို တွေ့ရတယ်လေ။ အဲဒီ Gym ဟာ ပုံမှန်လက်ခံနိုင်တဲ့လူဦးရေထက် အဆများစွာ နည်းပါးတဲ့ လူဦးရေပဲ လေ့ကျင့်လို့ရမယ့် နည်းစနစ်နဲ့ ဖွင့်လှစ်ခဲ့တာပါ။ တစ်ဦးချင်းစီမှာ 6 ပေ 10 ပေလေ့ကျင့်ခန်းတွေ သီးသန့်လုပ်ထားပြီး နောက်ဖက်နဲ့ ထိပ်ကိုဖွင့်ထားတဲ့ အဲဒီသီးသန့်ခန်းမှာ အပူချိန်စစ်တာ လက်သန့်ဆေးသုံးစေတာမျိုး လုပ်ပြီး လေ့ကျင့်သူတွေက လေ့ကျင့်ချိန်မှာ Mask တွေမပါပဲ လေ့ကျင့်ကြတာပါ။

ဒီလိုအခြေအနေကို လက်မခံနိုင်သေးတဲ့သူတွေအဖို့ Instagram Live Workout လုပ်တဲ့အစီစဉ်တွေကိုလည်း လုပ်ဆောင်နေသူတွေရှိနေပါတယ်။ Popsugar app ကိုအသုံးပြုပြီး နာမည်ကျော် Trainers တွေနဲ့အတူ Workout လုပ်နိုင်တဲ့ အစီအစဉ်တွေလည်း ရှိနေတာမို့ လူငယ်တွေအနေနဲ့ ကိုယ်နဲ့သင့်တော်တဲ့၊ ကိုယ်စိတ်ချယုံကြည်ရတဲ့ နည်းလမ်းနဲ့ ကျန်းမာရေးကို မပြတ်လုပ်နိုင်ဖို့ ကြိုးစားလို့ရနေတာဟာ အလွန်ကောင်းတဲ့ အခြေနေတစ်ခုပါပဲ။

Editor: Aye Myat Khin