ဖက်ရှင်ပိုင်းမှာ မပါမဖြစ် accessories ဖြစ်တဲ့အိတ်တွေရဲ့ trend ကလည်း တနှစ်နဲ့တနှစ်မတူပဲ ပိုပိုပြီးမိုက်၊ ပိုပိုပြီး playful ဖြစ်လာပြီနော်။ အခုဆို ၂၀၂၃ ခုနှစ်အလယ်လည်းရောက်လာပြီဆိုတော့ ဒီနှစ်အတွင်း trend ဖြစ်နေတာတွေကတော့ အများကြီးပါပဲ။ ဆိုတော့ ဒီနှစ်လယ်ကနေစပြီး တခြားနိုင်ငံတွေမှာရော ဘယ်လို အိတ်တွေက trend ဖြစ်တော့မှာလဲ၊ ဒီထဲမှာ ကိုယ့်အကြိုက်နဲ့ကိုက်မယ့်၊ try ချင်တဲ့အိတ်တွေကော ပါလားဆိုတာ ဒီ article လေးနဲ့အတူ လေ့လာကြည့်လိုက်ရအောင်။
Shimmer & Shine
Glitter တွေ၊ Rhinestone တွေနဲ့အလှဆင်ထားတဲ့အိတ်တွေက ဆက်ပြီးတော့လည်း trend ဖြစ်မယ့်ထဲပါနေဦးမှာပါ။ ဒီအိတ်လေးတွေက ညဘက်တွေသွားမှ လွယ်ရတဲ့အိတ်မျိုးလို့ လူတွေရဲ့စိတ်ထဲထင်နေကြပေမဲ့ တကယ်တမ်း မနက်ပိုင်းတွေမှာလည်း လွယ်ကြည့်ဖို့ တိုက်တွန်းချင်ပါတယ်။ အခုမိုးရာသီလည်းရောက်လာပြီဆိုတော့ အုံ့မှိုင်းမှိုင်းရာသီမှာ lighten up ဖြစ်အောင် ဒီအိတ်လေးက ကူညီပေးနိုင်မှာနော်။
Quiet luxury
Luxury ဆန်သလို casual လည်းဖြစ်တဲ့အိတ်တွေက ဘယ်တော့မှလည်းမရိုးသလို အချိန်တိုင်းနဲ့လည်းအဆင်ပြေလိုက်ဖက်နေတာပါပဲ။ ရာသီတွေဘယ်လိုပြောင်းပြောင်း၊ trend တွေဘယ်လိုပြောင်းပြောင်း တည်တည်ငြိမ်ငြိမ်လေးပဲကိုင်ချင်တဲ့သူတွေအတွက်တော့ ဒီလို Quiet Luxury အိတ်လေးတွေက ရှိကိုရှိထားသင့်တဲ့အိတ်လေးတခုပေါ့။
Denim
ဂျင်းတွေက အဝတ်အစားတွေတင်မဟုတ်ဘူး၊ အိတ်တွေအနေနဲ့လည်း ပြန်ခေတ်စားလာဖို့ဦးတည်နေပါပြီ။ Y2K ရေစီးကြောင်းကြီး တပတ်ပြန်လည်ဖို့က တဖြည်းဖြည်းပိုပြီးအင်အားကြီးလာတာနဲ့အညီ ဂျင်းတွေရဲ့နေရာကလည်း ပိုပိုပြီး အရေးပါလာပြီနော်။ ဂျင်းအိတ်တွေက ဘယ်လိုနေရာမျိုးနဲ့မဆို တော်တော်ကိုလိုက်ဖက်ညီတာမို့ အနှေးနဲ့အမြန် လူတွေရှေ့ကိုပြန်လာတော့မှာပါ။ အခုကတည်းက ဂျင်းအိတ်တွေ ဝယ်စုထားဖို့တော့ လိုနေပြီနော်။
Slouchy but not sloppy
ပျော့ပျော့အိအိနဲ့ တွဲကျနေတဲ့အိတ်တွေကလည်း အားလုံးရဲ့ရှေ့ကို ပြန်ရောက်ဖို့ သိပ်မလိုတော့ပါဘူး။ ပျော့ပျော့အိအိအိတ်လေးတွေက ပစ္စည်းတွေထည့်ရင်ထည့်သလောက် နေရာပေးနိုင်တာက သူ့ရဲ့အားသာချက်ပါပဲ။ ဒီအိတ်လေးတွေက သားရေတို့၊ suede တို့၊ ကတ္ထီပါတို့လိုအသားတွေနဲ့လုပ်လေ့ရှိတာကြောင့် ကိုင်ရတာ ထည်သလို ဖက်ရှင် look ကိုပါ ပိုမိုက်အောင် support ပေးနိုင်ကြတယ်။
Metallic, Baby!!
Yes…Yes…Yes… ပြောင်ပြောင်လက်လက် metallic အိတ်တွေကလည်း တခေတ်ပြန်လည်လို့လာပါပြီ။ လွယ်လိုက်ရင် လူတွေရဲ့အာရုံက ကိုယ့်အိတ်မှာပဲရှိနေအောင် စွမ်းဆောင်ပေးနိုင်တဲ့ metallic အိတ်တွေကို အားလုံး လွယ်ဖို့အဆင်သင့်ဖြစ်ပြီလား??? Metallic bag တွေက ဘယ်အရောင်ပဲလာလာ အရမ်းကိုမိုက်တာမို့လို့ ဘယ်လိုအရောင်လေးကိုင်မယ်ဆိုတာ ခုကတည်းက စဉ်းစားထားလိုက်ကြတော့နော်။
Baguette’s going strong
ပြီးခဲ့တဲ့နှစ်တွေကနေစပြီး ခေတ်စားလာတဲ့ Baguette bag trend က 2023 မှာလည်းဆက်ပြီးတော့ ခေတ်စားသွားဦးမှာပါ။ ဒီအိတ်လေးတွေက timeless piece လို့တောင်ပြောလို့ရလောက်အောင် သူတို့ရဲ့အရှိန်အဝါက ကြီးတာပါ။ အိတ်လေးက သေးသေးကျစ်ကျစ်လေးနဲ့ ကိုင်ရပြုရတာလည်းလွယ်သလို ဝတ်ထားတဲ့ဖက်ရှင်ကိုပါ ပိုမိုက်စေတာမို့ လူကြိုက်များတာက ဆန်းတော့မဆန်းပါဘူး။
Textured
Less is more ဖြစ်တဲ့ minimalist fashion တွေခေတ်စားတာနဲ့အညီ maximalist fashion တွေကလည်း တဖန်ပြန်လည်အသက်ဝင်လာပါတော့မယ်။ ဒီလိုအချိန်မှာ Textured အိတ်တွေကိုလည်းမေ့ထားလို့မရဘူးလေ နော်။ အဝတ်ကို texture ပါတာလေးတွေဝတ်ပြီး Textured bag လေးနဲ့သာ တွဲလိုက်။ တော်တော်ကိုမိုက်ပြီး သွက်လက်တဲ့ဖက်ရှင်လေးဖြစ်နေမှာရယ်။
Wonderfully worn-in
သုံးဖူးတဲ့ သားရေအိတ်ပုံစံမျိုးဖြစ်နေတဲ့ texture လိုအိတ်တွေကလည်း အခုခေတ်စားလာမယ့်ထဲမှာ ပါလာပါပြီ။ အမှတ်တမဲ့ကြည့်လိုက်ရင် အဟောင်းပုံစံလိုပဲ ကြေနေတာ၊ ခြစ်ရာလေးတွေပါနေတာလိုမျိုးဖြစ်နေတဲ့ သားရေအိတ်ပုံစံမျိုးကို နာမည်ကြီး brand တွေဖြစ်တဲ့ Givenchy, Miu Miu, Saint Laurent တို့ရဲ့ နောက်ဆုံးထွက်ထားတဲ့ collection တွေမှာ ဝေဝေဆာဆာပဲတွေ့ရမှာပါ။ သားရေဆိုတာမျိုးက အစစ်သာဖြစ်ရင် အချိန်ကြာလေမိုက်လေပဲမို့ ဒီလို worn-in ဒီဇိုင်းအိတ်တွေက ကိုင်လိုက်တာနဲ့ ထည်ပြီး အရှိန်အဝါတခုရှိနေတာတော့အမှန်ပါပဲ။
Y2K Nostalgia
နောက်ဆုံးပိတ် အိတ်နဲ့လွယ် Y2K ဖက်ရှင်တွေကိုတော့ ချန်ထားလို့ဘယ်ရမလဲနော်။ Y2K ကာလက အဝတ်အစား၊ မိတ်ကပ်တွေအစ ဖက်ရှင် accessories တွေအဆုံး အရမ်းကို colorful ဖြစ်၊ maximalist ဖြစ်၊ playful ဖြစ်တာနဲ့အညီ အဲ့ခေတ်က ခေတ်စားခဲ့တဲ့အိတ်တွေကလည်း အရမ်းအရမ်းကို မိမိုက်နေတာပါပဲ။ ခါးပတ်တွေ၊ အိတ်တွေ၊ ကျောက်တွေပါတဲ့ Shoulder bag အိတ်တွေ၊ ရှုပ်ရှုပ်ရှက်ရှက်ဒီဇိုင်းတွေနဲ့ အိတ်တွေက အဲ့ခေတ်အခါကတော့ မကိုင်တဲ့သူက ခေတ်နောက်ကျကျန်ခဲ့တဲ့ထိကို လူကြိုက်များရေပန်းစားခဲ့ကြတာပါ။ ဒီလိုပဲ အခုအဲ့လိုအိတ်တွေက 2023 ခုနှစ်နဲ့နောက်ပိုင်းမှာ ခေတ်စားကိုစားလာမယ့်အိတ်တွေတော့ ဖြစ်လို့လာပါပြီ။
